etxerat.info

Larunbata, Abenduak 5

Cáceresen, Aitzol Maurtuak aurrez aurrekoa galdu zuen.

Teruelen, bi aurrez aurreko bertan behera geratu zen. Bertako preso politikoek itxialdia burutu zuten pasa den astelehenean.

Algecirasen: zazpi aurrez aurreko galdu ziren. Aurreko astean ere, beste bi galdu ziren.

Soto del Realen ez zen aurrez aurrekorik egin eta bertan dauden euskal preso politikoek abenduko aurrez aurreko bisitei uko egitea erabaki dute senide eta lagunen kontrako katxeo eta umiliazioak eteten ez diren bitartean.

Topasen, Patxi Aristi aurrez aurrekoa galdu zuen.

Jaénen bost aurrez aurreko familiar eta intimo bertan behera geratu ziren. Espetxe honetan komunikazio grebarekin jarraituko dute. Nesken kasuan, ez dira ez bisitetara eta ez dute telefonoz deituko.

Puerto II-n, Bittor Francok aurrez aurrekoa galdu zuen.

Puerto III-n, lau aurrez aurreko bertan behera geratu ziren.

Almerían, bi aurrez aurreko galdu ziren eta astelehenetik aurrera itxialdia egingo dute. (Jada hirugarren astea daramate borrokaldian).

Sorian, Alberto Gómez aurrez aurreko familiarrik gabe geratu zen. Aldiz, beste bi aurrez aurrekoetan sartzeko etzen arazo ezta katxeorik egon.

Huelvan, Lierni Armendarizek eta Anabel Eguesek aurrez aurrekoak galdu zituzten.

Igandea, Abenduak 6

Gertakari oso larria Sorian. Gaizka Gañan preso santurtziarrak hiru lagunen bisita jaso behar zuen. Horietako batek elbarritasun mentala du (parálisis cerebral y deficiencias visuales) ta sekula ez du bisitara sartzeko arazorik izan. Muletekin joan behar du, baina normalean egurrezko muleta batzuk utzi dizkiote lokutorioan sartzeko. Atzo ere, egurrezko muleta horiek prest zeuden, baina funtzionarioek etzizkioten eman.

Betaurrekoak kenduarazi ondoren (ez du kasik ikusten) eta erraketa pasatu gabe, gelatxo batetan hirutan sartu ondoren, frakak kentzera behartu zuten bere kabuz moldatzeko gai ez den pertsona bat.

Bestalde, Cáceresen Iker Lima eta Txema Olabarrieta aurrez aurrekorik gabe geratu ziren.

Almeriako espetxean Patxo Marques preso politikoaren senideen aurrez aurrekoa bertan behera geratu zen.

Burgosen, Txetxu Fernández aurrez aurrekorik gabe geratu zen.

Borrokaldiak espetxetan

Brieva-ko espetxean aurkitzen diren preso politikoek itxialdia hasi zuten pasa den azaroaren 24ean (asteartea). Aipatu borrokaldia asteartetik larunbaterarte izango dira, eta egun horietan ez dira patiora jeitsiko eta ezta ere telefono dei eta eskutitzak onartuko (komunikazio greba, alegia). Borrokaldia iraunkorra izango da.

>> berria.info: Buruko gaitza duen senide bat biluzarazi dute Soriako espetxean

zabaldu | bildu

Xabier Garcia Gaztelu (Galdakao) Irantzu Gallastegi Sodupe (Berango)

Ostegunean epaituko dituzte Espainiako Auzitegi Nazionaleko 2. atalean. Fiskalak 61 urte eskatzen dizkie.

Irantzu joan zen astean eraman zuten Curtisera Soto del Real espetxera. Xabier Navalcarneron dago.

>> elcorreoespañol: Juzgan a ‘Txapote’ y Gallastegi por asesinar al edil del PP José Ignacio Iruretagoyena

Aski da!
Euskal Herriak askatasuna behar du!

zabaldu | bildu

askatu.org

Miaketekin ematen ari den jazarpena salatzeko itxialdiak eta komunikazio grebak burutzen ari dira hamaika espetxeta.
Espetxeetako gertaerak:

HUELVA
2009-12-03: senideei egiten dizkieten ukimenezko miaketak direla eta, uko
egin dizkiete aurrez aurrekoei. Espetxe honetan berezitasuna dago: aurrez
aurrekora sartzeko, aurretik lokutorioko bisita egiten dute, eta beraz,
miaketak lokutorioetako bisitara sartzeko izaten da ere. Kasu batzutan,
bisita horietara sartzeko ere miatu nahi izan dituzte, baina ez beti.

SOTO DEL REAL
2009-12-01: senideei egiten dizkieten ukimenezko miaketak direla eta,
aurrez aurrekoen greba mugagabea egingo dute. Igandeetan, itxialdia
burutuko dute.

CURTIS TEIXEIRO
2009-11-30: senideei egiten dizkieten ukimenezko miaketak direla eta,
azaroaren 30etik itxialdia burutzen ari dira abenduaren 7a arte. Ez
telefono deirik, ez bisitarik, ezta gutunak bidali: komunikazio greba.

BADAJOZ
2009-11-30: aurrez aurrekora sartzeko senitarteko bati ukimenezko miaketa
egin nahi izan zioten. Bera ukatu egin zen, eta beste familiarrak ere ez
ziren aurrez aurrekora sartu, beraiek ez miatu arren. Ez zuten aurrez
aurrekorik izan.

CASTELLO - ALBOCASSER
2009-11-30: aurrez aurrekora sartzeko ukimenezko miaketa egin behar
zizkietela esan zieten senitartekoei. Ukatu ziren eta aurrez aurrekorik
gabe geratu ziren.

DUEÑAS
2009-11-30: senitartekoei egiten dizkieten miaketak direla eta, itxialdia
burutzen ari dira 3 egunetan zehar. Pasan den astean espetxeko janariari
uko egin zioten.

FONCALENT NESKAK
2009-11-30: senitartekoei egiten dizkieten miaketak direla eta,
komunikazio greba burutzen ari dira gaurtik hasita, Abendua osoan zehar.

SEGOVIA
2009-11-30: senitartekoei egiten dizkieten miaketak direla eta, itxialdia
burutzen ari dira.

VALENCIA II
2009-11-30: aurrez aurrekora sartu nahi zuten senitartekoei ukimenezko
miaketak egin nahi zizkieten, umeak barne. Ukatu egin ziren. Presoak
itxialdia burutzen ari dira.

etxerat.info

Kartzeletan borrokaldiak burutzen ari dira senide eta lagunon aurkako jazarpena salatu asmoz

GERTAKARIAK:

Espetxeak:

-Topas-eko espetxean aurkitzen diren preso politikoak itxialdian daude azkeneko bi egunetan.

-Kordobako espetxean dauden presoek ere itxialdia egin dute.

-Foncalent-eko espetxean aurkitzen diren emakumezkoek abendu osoan zehar komunikazio greba egingo dute (aurrez aurreko eta bisita normalei uko egingo diote).

-Valencia II-ko espetxean itxialdia egin dute.

-Jaéngo espetxean aurrez aurrekoei uko egitea erabaki dute. Soto del Realen aurrez aurrekoei uko egitea erabaki dute.

Bisita galtzeak:

-Pasa den igandean Ocaña-ko epetxean aurkitzen diren Peru Aranburu, Alberto Lopez eta Juankarlos Herradoren senideen aurrez aurrekoa bertan behera geratu zen.

zabaldu | bildu

ukberri.net

Erika Bilbao erandioztarraren eta beste zortzi gazteren aurka 2007ko urrian burutu zen ‘Zutabe’en auziko epaiketaren sententzia gaur kaleratu da. Efe albiste-agentziak zabaldu duenez, Erika Bilbao, Urtzi Etxebarria, Jon Akarregi eta Gaizka Likona libre utzi dituzte. Bestalde, Espainiako Auzitegi Nazionaleko Fernando Garcia Nicolas epaileak bost urteko zigor bana jarri die beste bost akusatuei: Ibon Goitia, Iker Legarra, Mikeldi Zenigaonaindia, Mitxel Zenarruzabeitia eta Xabier Erkiaga. Bost gazte horiei 2005ean “Zutabe” ETAren aldizkaria banatu zutelakoan, Segiko kideak izatea eta talde armatuari laguntza ematea egotzi diete. Epaiketan, fiskalak zortzina urte eskatu zuen Bilbao eta beste hiru akusatuentzat eta bosna, berriz, beste bostentzat. Askatasunak, berriz, epaiketak tortura zuela oinarri salatu zuen, “akusatuetako bi atxilotu zituzten momentutik bortizki torturatuak izan zirelako Guardia Zibilaren eskuetan. Eta hor ematen da operazio polizialaren abiapuntua”. Argazkian, aurten Erandion egindako mobilizazio bat.

Bestalde, Efek jakinarazi duenez, Botere Judizialaren Kontseilu Nagusiak Garcia Nicolas epailea espedientatu du “kale bortizkeriarekin lotutako beste kasu batean” epaia ateratzen berandutzeagatik. Beste sumarioan, urte t’erdiko atzerapena izan zuen. Hemen, berriz, auziperatuek 25 hilabetez itxaron behar izan dute.

Auziperatuen egoera:

• Ibon Goitia Bereikua (Lekeitio), 5 urteko zigorra (eskaera: 8 urte).
• Iker Legarra Gorostola (Aulesti), 5 urteko zigorra (eskaera: 8 urte).
• Mikeldi Zenigaonaindia (Aulesti), 5 urteko zigorra (eskaera: 8 urte).
• Mitxel Zenarruzabeitia (Aulesti), 5 urteko zigorra (eskaera: 5 urte).
• Xabier Erkiaga Goikoetxea (Lekeitio), 5 urteko zigorra (eskaera: 5 urte).
• Erika Bilbao Barcena (Erandio), aske (eskaera: 8 urte).
• Jon Akarregi Gallastegi (Lekeitio), aske (eskaera: 5 urte).
• Gaizka Likona Anakabe (Lekeitio), aske (eskaera: 5 urte).
• Urtzi Etxebarria Aierdi (Donostia), aske (eskaera: 5 urte).

zabaldu | bildu

Aurkezpenaren argazkiak hemen (((ukberri.net)))

ukberri.net

Eskualdeko hainbat errepresaliatu politikoren lanak irakur daitezke “Ataramiñe” berrian

“Ataramiñe 09″ izenburuko liburua aurkeztu dute, gaur eguerdian, Bilboko Kalderapeko kulturgunean. Deportazioan, espetxean eta ihesean dauden 21 lagunen lanak bildu dituzte argitalpenean. Horretaz gain, Borxa Urberuaga gernikarraren komiki binetak ere aurki daitezke bertan. Izan ere, ekimenean parte hartzea erabaki zuenean, oraindik preso zegoen gaztea. Urriaren 23an askatu zuten. Besteak beste, Dueñas (Palentzia, Espainia) espetxean daukaten Itzubaltzeta / Romoko Iñaki Gonzalo Casal “Kitxu” eta Frantzian preso dagoen Aitor Artetxe algortarraren idatziak jaso dituzte “Ataramiñe 09” alean, baita Sao Tomen deportatuta dagoen Alfontso Etxegarai plentziarraren kontakizuna ere. Bitartean, gainontzeko argitaletxeek ez bezala, euren bokazioa “liburu gehiagorik ez ateratzea” dela aipatu du, gaurko prentsaurrekoan, Mitxel Sarasketa Ataramiñe elkarteko kideak, euren nahia euskal presoak kalera ateratzea baita. “Ataramiñe 09″ liburua Durangoko Euskal Liburu eta Disko Azokan egongo da salgai, abenduaren 4tik 8ra bitartean, 18 eurotan.

Liburua osatzeko aurkitzen dituzten “zailtasun eta oztopoez” aritu da, lehenik eta behin, Zaloa Basabe Ataramiñeko kidea (mp3). Azaldu duenez, uda partean 700 eskutitz baino gehiago bidali zituzten espetxeetara, presoak idatzi edo marraztera anima zitezen. “Espero genuen arren, gero jakin genuen gutun gehienak erretenituak izan zirela”, salatu duenez. Baina, oztopoen gainetik, senide eta lagunen bitartez heldu zen ziegetara deialdia. “Lanak e-postaz jasotzeko aukerarik ere ez daukagu”, jarraitu du Ataramiñeko kideak. Hala ere, askotan “posta arruntez edota eskuz idatzita” baldin bada ere, heldu egiten dira. Basabek aipatu duenez, “hunkigarria izaten da senideak euren seme-alaben olerkian txukuntzen nola ahalegintzen diren”. Liburua ailegatzen denean konturatzen dira, lan horren atzean, parte hartu duten 22 errepresaliatu horiek baino jende gehiago dagoela. Oscar Barreras presoak idatzitako hitzaurrea parafraseatuz, “elkartasuna zigortzen den garai hauetan”, elkartasunak berak “oztopo eta zailtasun guztiak gainditzeko daukan indarra” azpimarratu du.

Presoen irudia islatuz

Ildo berean mintzatu da Mitxel Sarasketa (mp3). Berak ere komunikazio alorrean presoek izaten dituzten “murrizketak” aipatu ditu, idazteko, besteak beste. Azken aldian, aurrez aurreko bisitekin izaten ari diren gora beherak ere horren adibide bezala jarri ditu Ataramiñeko kideak. Hala ere, “kartzelan, jazarpen egoeran eta bizi diren zigor bizitza batean” egonda ere, “presoak bizirik” daudela adierazten du gaur aurkeztutako liburuak, Sarasketaren ustez. Bitartean, “Ataramiñe 09″ irakurtzeko gonbitea luzatu die presoak “terrorista modura” hartzen dituzten horiei, “estereotipo gaizto horren atzean pertsona hauek daudela eta kartzelako mundu horretan zer dagoen ikus dezaten”. Azkenik, presoen argazkien aferaz ere hitz egin du Sarasketak. “Jazarpen horren gainetik euren irudia presente egongo da Durangon eta Euskal Herrian”, “Ataramiñe”-ren orrialdeetan, aipatu duenez.

Zaloa Basabe eta Mitxel Sarasketa Ataramiñeko kideez gain, Borxa Urberuaga eta Amaia Urizar preso ohiak ere izan dira gaurko prentsaurrekoan. Bilbotar neskak urtero parte hartu izan du “Ataramiñe” liburuan. Aurten, baina, urriaren 27an atera zen kalera. Urizarrek Naiara Mallabia preso bilbotarrak idatzitako olerkia irakurri du (mp3) gaurkoan. Urberuagak, berriz, espetxean idatzitako testutxoa irakurri du (mp3).

Ataramiñe Durangoko azokan, liburutegietan eta ohiko lekuetan egongo da salgai hurrengo egunotan

>> gara.net: Ziegetako paperak plazan haizatuko ditu «Ataramiñe» literatur kaierak
>> berria.info: Ahotsa, hatsa eta taupadak

zabaldu | bildu

Abenduaren 9, 14, 15, 16 eta 17an Espainiako Auzitegi Nazionalean egingo den “epaiketa prebentiboa” dela eta, mobilizazioa egingo da abenduaren 11n, ostirala, Telletxen.

Horrezaz gain, epaiketa egiten den bitartean enkarteladak egingo dira egunero Algortan.

>> berria.info: Paperik ez duen epaiketa

ASKI DA!
Errepresioak ez du konponbiderik bilatzen!
Espainiako Audientzia Nazionala STOP!
Askatasun Demokratikoak orain!
EUSKAL HERRIAK ASKATASUNA BEHAR DU!

zabaldu | bildu

zabaldu | bildu

2009ko abenduaren 1ean 762 lagunek osatzen dute Euskal Preso Politikoen Kolektiboa.

>> 2009.12.01: presoen zerrenda estatu espainolean.pdf
>> 2009.12.01: presoen zerrenda estatu frantsesean.pdf
>> wikipedia: EPPK

zabaldu | bildu

41 aurrez aurreko bisita galdu dira asteburuan miaketei uko egin ondoren

Etxerat elkarteak salatu du senideen aurkako jazarpenik ez duela etenik. Tratu duin bat izateko eskubidea aldarrikatu dute senideek eta Euskal Herriko eragileei gertaera hauen aurrean jarrera argiahartzeko eskatu diete.

Etxerat elkartearen irakurketa:

“Etxerat Elkarteak gogor salatu nahi du asteburu honetan espainiar Estatutako hainbat espetxetan gertatutakoa. Beste behin ere, katxeatu eta umiliatu nahi izan gaituzte. Bitarteko elektronikoak dituzte, baina gure duintasunaren gainetik pasa eta kontaktu fisiko zuzenaren bitarteko katxeo eta palpazioak egin nahi dizkigute.

40 aurrez aurreko baino gehiago galdu dira. Orohar, azken hilabetean 160 aurrez aurrekotik gora galdu dira. Euskal preso politikoak euren inguru sozial eta afektibotik are gehiago aldenduz, komunikazioak moztuz eta psikologikoki kolpatuz, pertsona eta subjektu politiko gisara suntsitu nahi dituzte.

Etxeratek argi esan nahi dugu, espetxe politikaren gogortze berri hau eraso global baten baitan kokatzen duela (intoxikazio mediatikoak, argazkien aurkako ehiza, Etxerat bera legez kanpo uzteko mehatxua…) eta horren aurrean, ukitu beharreko ate guztiak ukituko ditugu. Arartekoak, alor judiziala eta nazioarteko esparrua. Ez ditugu gure senide eta lagunak bakarrik utziko eta euren eta gure eskubideak defendatzen jarraituko dugu.

Euskal presoak etxera!”

AZKEN ASTEKO GERTAKARIAK

Ostiraleko gertakariak:

- Ostiralean Oskar Calabozo aurrez aurrekorik gabe geratu zen Córdoban.

Larunbateko gertakariak:

- Granadan 2 aurrez aurreko bertan behera

- Brievan 5 aurrez aurreko bertan behera

- Puerton 9 aurrez aurreko bertan behera

- Malagan aurrez aurreko bat bertan behera

- Curtisen 5 aurrez aurreko bertan behera eta aurreko astean komunikazio greba burutu zuten.

- Alacanten aurrez aurreko bat bertan behera

- Badajozen 5 aurrez aurreko bertan behera

- Topasen 3 aurrez aurreko bertan behera

- Ocaña II-n 3 aurrez aurreko bertan behera

- Herreran 4 aurrez aurreko bertan behera

Igandeko Gertakariak:

- Córdoban aurrez aurreko bat bertan behera

- Brievan aurrez aurreko bat bertan behera

zabaldu | bildu

ukberri.net

Itzubaltzeta / Romoko Branka kultur elkarteko egoitzan sartu, hainbat dirua lapurtu eta gela ezberdinak arakatu dituzte gaur goizaldean hainbat ezezagunek. Gertaera goizaldeko 6ak aldera jazo da, Brankak Ezekiel Agirre kalean duen taberna eta egoitzan. Lapurrek etxeko murrua eta hesia gainditu eta barne patioko atea bortxatuz Brankara sartu egin dira. Gerora, elkarteak salgai dituen DVD, liburu eta arropako zein tabernako dirua lapurtu egin dute, hainbat gauza lurrera botaz. Goiko solairura ere igo dira, eta hainbat armairutan miatu dute, Brankako kideen esanetan. Bitartean, balio handiko telebista eta beste material elektronikoak bertan utzi dituzte lapurrek. Gauzak horrela, ezker abertzaleko elkarteko partaideek ez dute lapurretaren inguruan inolako hipotesirik baztertzen. Gainera, gaizkileek egindako zaratak auzokideak esnatu ditu eta horien arabera lapurrek 45 bat minutu eman dute tabernan. Auzokideek beraiek gertatzen ari zeneko abisua eman diete Getxoko Udaltzaingoari eta Ertzaintzari baina poliziak ez dira herriko tabernaraino hurbildu ere egin. Argazkian, elkarteak 2005ean ospatu zuen 25. urteurrena.

zabaldu | bildu

Manex Zubiaga (Algorta)

Lehengo ostiralean Manex Zubiaga Soto del Realetik atera eta Madrileko probintzian dagoen Estremerako espetxe berrira eraman zuten.

Aste buru honetan bere etxekoak berarekin bisitan izan dira eta oraingoz “ingreso” moduluan zegoen, baina aste honetan modulu batera pasako dutela esan zien. Manexekin batera, Ismael Berasategi eta Unai Frias euskal preso politikoak ere eraman zituzten Sototik Estremerasera.

Manex urrian eraman zuten Frantziatik Soto del Realera.

Estremerako espetxea 2008ko uztailean inauguratu zuten, eta basamortu baten erdian kokatuta dago, Getxotik 476 kilometrotara.

Helbidea

Manex Zubiaga Bravo
CENTRO PENITENCIARIO MADRID VII
Crta. M-241, km 5,750
28595 Estremera (Madrid)

zabaldu | bildu