MANIFESTAZIOA: azaroak 27, ostirala, 20:00, Xake enparantza, Areeta.

Iñaki Gonzalo Casal “Kitxu” 1994ko urriaren 25ean atxilotu zuten, Areetako Bizkaiko Zubiko plazan, Algortako Iñigo Otazua Urresti “Oti” eta Anjel Figueroa Fernandez, eta Urdulizko Andoni Muñoz de Vivarekin batera. Ekintzarik burutu ez zuen Lanbroa komandoko kideak izatea leporatu zieten lauei, eta 30 urteko zigorra ezarri zizkieten.

Kitxu bezala, Oti eta Andoni oraindik preso daude. Anjel Figueroaren egoera ere ez da oso ezberdina. Azaroaren 12an Langraizko espetxetik atera eta etxera ekarri zutenetik kalean baina oraindik ere “preso” daukate. Gaixotasun larria du Anjelek eta kontrol neurri oso zorrotzetan bizi behar du. Kartzelan ezarritako hainbat baldintza ditu hain zuzen.

Kitxu, Oti eta Andoni askatu!
Anjel
Elkartasuna presoekin!

zabaldu | bildu

Patxi Markes (Berango)

Etxerat elkarteak adierazi duenez, Almeriako espetxean 6 aurrez aurreko galdu ziren azken asteburuan. Hori dela-eta, bertako presoek itxialdi bat burutzea erabaki dute azaroaren 16tik 20ra eta 23tik 27ra. Aranjuezeko espetxean ere, egoera konpondu bitartean, itxialdiak egingo dituztela esan dute.

Almeriako espetxean 16 euskal preso politiko daude, eta horien artean Patxi Markes ere bai.

GERTAKARIAK:

Galdutako Aurrez aurrekoak:

- Curtisen 7 aurrezko aurreko galdu ziren.

- Herrera de la Manchan 6 aurrez aurreko galdu ziren.

- Jaén-en 6 aurrez aurreko galdu ziren eta senide eta lagunak espetxetik ateratzen ari zirenean funtzionario batek “ojalá se estampen todos en la carretera” esan zien.

- Almerían 6 aurrez aurreko galdu ziren. Hori dela-eta, bertako presoek itxialdi bat burutzea erabaki dute azaroaren 16tik 20ra eta 23tik 27ra. Aranjuezeko espetxean ere, egoera konpondu bitartean, itxialdiak egingo dituzte.

- Ocaña II-n bi aurrez aurreko galdu ziren.

- Huelvan 2 aurrez aurrezko galdu ziren. Huelvako espetxean preso dagoen Anabel Eguesen bi laguneri sekulako kontrola egin zieten Salamancan. Ustez drogaren aurkako kontrol bat izanik, Guardia Zibilak lau hankadun txakurrak sartu zituen kotxe barruan eta katxeo bortitz bat pairatzera behartu zituzten goizeko 03:00tan.

- Brievan bi aurrez aurreko galdu ziren.

- Teruel, Daroca, Aranjuezen, Valentzia eta Granadan ere aurrez aurrekoak bertan behera geratu ziren.

ETXERAT-en irakurketa:

Etxerat Elkarteak gogor salatu nahi du azken asteetan Espainiar Estatuko hainbat espetxetan gertatzen ari dena. Euskal preso politikoak bizi baldintza gogorrenetara bizitzera behartzen dituzte. Estrategia horren baitako azken katebegia, senide eta lagunen kontrako eraso bat da. Aurrez aurrekoetan sartu baino lehen, katxeatu, palpatu eta umiliatu nahi dituzte.

Euskal jendarteak jakin behar du, funtzionarioek eta espetxeek bitarteak dituztela hori egiteko eskuekin gu ukitu gabe eta gure buruak umiliatzen saiatu gabe. Horren eredu dira, segurtasun arkua edo raketa. Baina, euskal preso politikoen egoera are gehiago zaildu asmoz eta euren inguru sozial eta afektibotik aldentzeko asmoz, Espainiar Estatuak beste urrats bat eman du. Euren helburua argi da, euskal preso politikoak pertsona eta subjektu politiko gisara suntsitzea da. Horretarako, komunikazio forma oro eten nahi du.

Etxeratentzat, eraso berri hau dinamika errepresibo oso baten baitan kokatzen da. Urtea, ustezko “damuketa” politikaren indartzea eta propaganda mediatikoarekin hasi zuen Rubalcabak gidatzen duen aparato errepresiboak, ondoren Aresek argazkien aurka abiatu zuen gurutzada tamalgarri eta bortitza etorri zen, bitartean gure elkartea legez kanpo uztearekin mehatxatu dute eta azkenik, aurrez aurrekoetan sartzeko senide eta lagunak umiliatu nahi izatea.

Euskal Preso Politikoen Kolektiboa suntsitzeko mekanismoak dira, senide eta lagunen artean batasuna hausteko mekanismoak. Baina, argi eta garbi esan nahi diegu berriz ere kale egingo dutela. Borroka hau inteligentziaz, pazientziaz eta duintasunez aurrera eramango dugula. Badira urteak non bidean hamaika traba jartzen dizkiguten, baina behin eta berriz gainditzen ditugu. Elkartasunak mugak eta etenik ez duelako. Gure senide eta lagunak maite ditugulako eta maitasunak errepresioak berak baino indar gehiago duelako.

Elkartasun uholdea antolatu behar da euskal jendartean indarrean dagoen espetxe politika kriminalari amaiera emateko. Guztion arteko elkarlana ezinbestekoa izango da. Interpelazioa Euskal Herrian eta nazioartean. Ukitu beharreko ate guztiak ukituko ditugu gure senide eta lagun presoen eskubideak errespetatuak izan daitezen. Kalean eta bulegoak astinduko ditugu konpromiso bila.

>> etxerat.info: Pasa den asteburuko gertakizunak espetxeetan

zabaldu | bildu

Aurreko asteburuan bezala, honetan ere Espainiako espetxeetan aurrez-aurreko bisitarik egin gabe gelditu dira preso gehienak, Espetxeetako Zuzendaritzak senideak miatzeko emandako aginduagatik. Hala ere, kasuren batetan aurrez-aurreko bisita egin ahal izan da, espetxe guztietan ez baitute zirkularrak modu berean aplikatzen. Bestela ere, lokutorioetako bisitak, guk dakigularik, normaltasunez egin dira.

Asteburu honetan, Algortako presoei dagokienez, aurreko astean aipatu genuen egoera errepikatu egin da, kontuan izanda, hala ere, aurrez-aurreko bisitak hamabostean edo hilean behin izaten direla.

Ibai Aginaga (Berango) bisitara Jaenengo espetxera joandako etxekoek aurrez aurreko bisitarik gabe gelditu dira, arakatzeari uko egin ziotelako. Funtzionarioek “tenemos que tocaros” esan zieten familiarrei, eta hauen ezetzean bisitarik gabe utzi zituzten.
Patxo Markes (Berango) ere aurrez-aurreko bisita egin barik gelditu zen Almerian.

Bestela, gogoratu, Irantzu Gallastegik (Berango) bisita guztiak aurrez-aurrekoak dituenez, bisitarik gabe dagoela auzi honekin hasi zirenetik.

>> gara.net: Familiares de presos pierden las visitas tras negarse a ser cacheados

Euskal Presoak Euskal Herrira, dagozkien eskubide guztien jabe!

zabaldu | bildu

beste argazki batzuk hemen

>> argazki gehiago hemen (((ukberri.net)))

>> AUDIOA | koskairratia.com: Ongi etorria Aner, Joseba eta Landerri.mp3 [25:04m]

300 lagun inguru bildu ziren atzo Algortako Bihotz-Alai plazan Joseba Elorriaga, Aner Mimenza eta Lander Labajori eskainitako ongi etorri ekitaldian.

Txalapartaren sarreraren ostean, ekitaldiko aurkezlea Joseba, Aner eta Landerrek bizi izandakoak eta horren ingurukoak azaldu zituen herriko presoak aurkeztu aurretik, jendearen txaloen artean haien argazkiak zeramatzaten pertsonak eszenatokiaren aurrean kokatzen zihoazen bitartean. Txapela jantzi zizkieten omendutakoei, loreak eman zizkieten eta ohorezko dantzak egin zizkieten. Kalera ateratako azken presoak zurezko giltza pasatu zion Josebari, honek Anerri eman eta azkenean Landerren eskuetan amaitu zuen, Algortako tradizioari jarraituz kaleratutako azken presoak giltza gordetzen baitu hurrengoari atea zabaltzeko. Orduan megafoniatik preso batek grabatutako mezua jarri zuten entzuteko. Lau bertsolarik bertso bana eskaini zizkieten (ikusi bideoa). Gero kanta bat, herriko abeslari baten eskutik; Lander animatu eta harekin batera kantatu zuen abestia. Amnistiaren Aldeko Mugimenduko kide batek errepresioaren egoera aztertu ostean, mahai gainean elementu berria daukagula azpimarratu zuen, ezker abertzaleak mahai gainean jarri duen proposamena, eta horren helburua presoak kaleratzea eta konponbide demokratikoa lortzea izanik, bat egiten duela amnistiaren aldeko mugimenduaren helburuak lortzeko, eta, horretara, jendea animatu zuen, batetik, proposamen horren eztabaidan parte hartu eta bultzatzeko, eta bestetik amnistiaren aldeko mugimenduaren egituretan antolatzeko, konponbide demokratikoak aurrera egingo badu amnistiaren aldeko mugimendu zabal eta sendoa behar izango delako. Horren ostean, Lander, Aner eta Josebak hitz egin zuten (ikusi bideoa). Eta amaitzeko, Eusko Gudariak abestu ondoren, omendutako hirurek Txikia abestia kantatu zuten, atxiloketa egunetan kalabozoetako egunetan hori abestuta hartu zuten indar eta kemena gogoratzeko. Ekitaldia amaituta, manifestazioa egin zen Algortako kaleetan barrena. Bazkaltzeko orduan herri bazkaria egin zen, giro ezinonean: bazkari bikaina, giro kementsua, trikitria, opariak, hitzaldiak… preso guztiak kaleratu eta askatasuna lortzeko gogo bizian.

>> ukberri.net: Ongi etorri beroa egin diete espetxetik berriki ateratako gazte getxoztarrei

Bertsolarien jarduna

Lander, Aner eta Josebaren hitzak

Ongi etorri Lander, Aner eta Joseba!
Euskal preso politiko guztiak kalera!

zabaldu | bildu

Pol Asensio (Algorta) Arkaitz Goikoetxea(Getxo)

Pol Asensioren etxekoek jakin ahal izan dutenez, Villenako (Alacant) euskal preso politikoek itxialdiari ekin diote joan zen larunbatean bisitara joandako senitartekoak arakatzen hasi eta bisitarik gelditu zirela salatzeko.

Villenako espetxean euskal preso politiko hauek daude gaur egun: Fernando Alonso Abad, Gotzon Aranburu Sudupe, Pol Asensio Millan, Santos Berganza Zendegi, Sebas Etxaniz Alkorta, Arkaitz Goikoetxea Basabe, Juan Carlos Iglesias Chouza, Jose Maria Mujika Pikabea, Peio Zelarain Oiarzabal, Kandido Zubikarai Badiola, Nuria Alzugarai Garcia, Elena Beloki Resa, Ainara Esteran Cruz eta Maria Lizarraga Merino.

Villenako espetxea Getxotik 758 kilometrotara dago.

Helbidea:

CENTRO PENITENCIARIO DE ALICANTE II
Ctra. N-330, km. 66
03400 Villena (Alicante)

>> gara.net: Los presos de Villena inician una protesta por los cacheos a familiares

Euskal Presoak Euskal Herrira, dagozkien eskubide guztien jabe!

zabaldu | bildu

Marije Fullaondo (Algorta)

Marije Fullaondo Villabonako espetxetik atera eta Soto del Realera eraman dute, handik Castellora eramateko.

Daukagun informazioaren arabera, datorren astean eraman dezakete Sototik Castellora.

Euskal Presoak Euskal Herrira, dagozkien eskubide guztien jabe!

zabaldu | bildu

Irantzu Gallastegi (Berango)

Azken asteburuetan espetxe askotan gertatzen ari den bezala, pasadan asteburuan Irantzu Gallastegi bisitatzera joandako senideek, bisita barik gelditu ziren arakatzeari uko egin ziotelako.

Aipatzekoa da Irantzuren bisita guztiak bisa gelan egiten direla, Arane alaba berarekin irteten delako eta astebururo egoera horrekin aurkituko direla.

Gogoratu behar da Curtisen dauden euskal preso politikoak itxialdian daudela ostirala bitarte.

zabaldu | bildu

ukberri.net

Pagoa Zulueta (Leioa)

Sententzian esandakoa beteta, gaur sartu dute preso Pagoa Zulueta. Gauzak horrela, gaur arratsalderako, mobilizazioa deitu du Leioako Amnistiaren Aldeko Mugimenduak. Bulebarrean egingo dute elkarretaratzea, 20:00etan. Espainiako Auzitegi Nazionalaren Penal Aretoko Hirugarren Atalak sei urteko espetxe zigorra ezarri zion Pagoa Zuluetari. Uztailaren 10ean kaleratutako epaian, bera, Ana Itxaso Guemes, Anuntzi Alonso eta Anitz Eskisabeli ETAri laguntza eman izana leporatu zieten Alfonso Guevarak eta beste magistratuek. Hala ere, operazioa muntaia bat zela salatu dute hasieratik Zuluetaren auzokideek. Epaiketa “torturapean lortutako deklarazioetan oinarrituta” zegoela adierazi zuen AAMk.

Sententzian, ETAren informazio eta erreklutatze azpiegiturarentzat “belarriak eta ahoa” bihurtu izana egokitzen diete lauei. Zehazki, sei urte jarri zizkieten bakoitzari gutunak eman edo hainbat gai garraiatu dituztelakoan. Bertsio ofizialaren arabera, laurak erreklutatu zituzten Ibon Fernandez de Iradi “Susper”-ek eta Iñaki Bilbaok. Zuluetaren kasuan, beti epaileek diotenez, leioaztarrak uko egin zion ETAn sartzeari baina Bilbaok bidalitako “Hator ETAra” idatzita omen zuen mezuari erantzunez, hainbat tresna garraiatzea onartu ei zuen. Auto beraren bidez, Ixone Fernandez Bustilllo, Arkaitz Ormaetxe, Alaitz Artetxe, Asier Burgaleta, Angel Alkalde eta Mikeldi Diez aske utzi zituzten. Era berean, Eneko Perez eta Koldo Rosadoren aurkako karguak fiskalak berak kendu zituen pasa den urtarrilean egindako epaiketan. Orduan, 7 urte t’erdiko zigorra eskatu zuen Zuluetarentzat. Guztira, 14 lagun atxilotu zituzten 2005eko otsailaren 9an, “badaezpadako” sarekadan.

Ia bi urtez espetxeratuta

Atxilotu eta lau egun beranduago, fiskalak eskatuta, Garzonek Zulueta espetxeratu zuen. Guztiek, Espainiako Polizi Nazionalaren eskuetan inkomunikatuak izan ondoren, torturak salatu zituzten. Ia bi urte espetxeratuta izan ondoren, urtarrilaren 24an atera zuten leioaztarra Aranjuezen dagoen Madril VI espetxetik, 12.000 euroko fidantza ordaindu eta gero.

zabaldu | bildu

Irantzu Gallastegi (Berango) Sergio Polo (Sopela)

Momentuz amaiera eman diote Huelvako espetxean astelehenetik burutu duten itxialdiari.
Bitartean, Curtiseko espetxean dauden euskal preso politikoak itxialdia burutzen ari dira ostirala bitarte, asteburuan espetxe honetan eta beste hainbatetan izan diren gertaerak salatzeko.

Curtis espetxean dira gaur egun Irantzu Gallastegi, Arane alabarekin, Xabier Garcia Gaztelu eta Sergio Polo.

Huelvako espetxea

Zuzendariarekin bilkura bat eskatu dute bertako presoek gai honetaz hitz egiteko. Dirudienez arakatzeen agindua zekarren orrietako batean arakatzeak aleatorioki emango direla jartzen zuen. Asteburuan gertaerak errepikatuko balira presoek borrokaldiarekin jarraituko lukete.

Astelehenetik hona burutu duten itxialdiarekin senideen aurkako jazarpena salatu nahi izan dute. Momentu honetan bisita eskatu dute zuzendariarekin. Arakatzeen agindua zekarren orrietako batean arakatzeak aleatorioki burutuko direla jartzen zuen, Presoek adierazi dutenez, asteburuan berriz errepikatuko balira gertaerak borrokaldiarekin jarraituko luke.

Algortako presoak

Azken asteburuan euskal preso politiko ugari bisitarik gabe gelditu dira Espainiako espetxeetan familiarrak bertara joan eta gero. Ez da horrela gertatu kasu guztietan, Espetxeetako Zuzendaritzak emandako jarraipideeak modu desberdinetan aplikatu baitira kartzela batzuetan edo besteetan, eta familiarren artean ere hainbat modutara egin zaiolako aurre agindutakoari.

Algortako presoen artean, daukagun informazioaren arabera: Aitor Cotanok bisita izan zuen, Puerto IIIan arazorik gabe egin baitziren; Pol Asensio, Villenan, bisitarik gabe gelditu zen; Gorka Garcia Sertutxa, Huelvan, aurrez aurreko bisitetan arazoak zirela ikusita bertan-behera utzi zituzten lokutorioetako bisitak ere; Manex Zubiagak bisita izan zuen; Albaro Arrirena ez dugu oraindik zehaztu, baina Villabonako espetxean ere dagoen Marije Fullaondok bisita izan zuen, arazorik gabe; Iñigo Otazuak, Topasen, bisita egin zuen; Iñigo Gutierrezek, Puerto IIan, bisita egin zuen; Jabier Gallagarena, Kordoban, ez dugu zehaztu oraindik; Endika Lejarzegik, Monterroson bisita egin zuen; Aimar Hidalgok, Herrera de la Manchan, aurrez aurreko bisita egin gabe gelditu zen (kartzelariek orri zuri bat eman zieten bertan sinatu behar zutela esanez) eta Arkaitz Goikoetxeak, Villenan, ez zuen bisita egiterik izan.

AAMren oharra senideen aurkako jazarpenaren harira:

Amnistiaren Aldeko Mugimendutik honako gogoeta egin nahi du senideen aurka ematen ari diren azken jazarpenen aurrean:

Espainiar gobernuak Euskal Preso Politikoen Kolektiboaren amaitzeko apostua argia egina du. Euskal Preso Politikoen Kolektiboarekin amaitu nahi dute, borroka independentistarekin amaitzeko bidean beharrezkoa dutelako Euskal Herrian erreferentzia politiko ezinbestekoa duen eta 750 euskal herritarrek osatzen duten Kolektiboarekin amaitzea.

Azken 30 urteotan Kolektibo honen aurkako neurriak etengabeak izan dira. Bergizarteratze planak, sakabanaketa era bakartze poiltika, komunikaziorako eskubidearen murrizketa etengabeak, jipoiak e.a. Aurrez erabili dituzten neurriek porrotak eraman dituzte neurriak berriak pentsatzera eta martxan jartzera. Azken urteotan gaixotasun larriak dituzten presoak espetxean mantentzearekin eta biziarteko zigorraren aplikazio praktikoarekin espetxeetako egoera muturrera eraman dute, benetako Guantánamo bat eraiki dutelarik euskal preso politikoentzat.

Baina espetxeetako neurrien norabide berdinean euskal preso politikoekiko elkartasuna itotzeko urratsak eman dituzte. Senideak beti egon dira espetxe politikaren jopuntuan. Sakabanaketa politika da horren adibiderik argiena, azken urteotan 16 senideren heriotzaren erantzulea, eta pasa den ostiralean bertan bi euskal herritar ospitalizatu izananaren eragilea.

Honekin batera, azken hilebeteotan argazkien aurkako sorgin ehizarekin batera, euskal preso politikoekiko elkartasun bideak zigortzeari ekin diote.

zabaldu | bildu

Gorka Garcia Sertutxa (Algorta)

Huelvako espetxean dauden Euskal Preso Politikoek itxialdi mugagabeari ekingo diote bihar

Azken asteotan senideek pairatzen ari diren jazarpena salatuko dute horrela. Arazoa konpondu arte ez direla bisitetara aterako adierazi dute. Atzo espainiar estatuko espetxeetan dauden euskal preso politiko asko bisitarik gabe gelditu ziren beraien senideak goitik behera miatu nahi dituztelako.

>> gara.net: Familiares de presos se quedan sin visita tras negarse a ser cacheados
>> berria.info: Senide ugarik bisita galdu dute eta bat atxilotu egin dute

Huelvako espetxean honako euskal preso politiko daude gaur egun:

Agote Cillero, Arkaitz; Aldana Zelaia, Jon; Del Hierro Upategi, Agustin; Garcia Sertutxa, Gorka; Jareño Ugarriza, Gaizka; Karrera Arenzana, Asier;Matanzas Gorostizaga, Jose Maria; Ruiz Romero, Patxi; Tapia Zulaika, Asier; Troitiño Arranz, Antton; Zabarte Arregi, Jesus Mari; Zelarain Errazti, Julen Joseba; Armendariz G. Langarika, Lierni; Egues Gurrutxaga, Ana Belen eta Txurruka Madinabeitia, Lurdes.

Huelvako espetxea Getxotik 1048 kilometrotara dago.

Helbidea:

CENTRO PENITENCIARIO DE HUELVA
Ctra. de la Ribera, s/n
21610 Huelva (Huelva)

Senide bat atxilotu eta asko bisitarik gabe utzi ditu espainiar espetxe politikaren urrats berriak

Aurreko bi asteetan Badajozen eta Foncalenten gertaturiko espetxe gehiagotara zabaltzen ari da, ondorio gero eta larriagoekin.

Espetxeetako gertakariak, senideak bisitarik gabe eta atxiloketa bat

Huelvako espetxean aurrez aurrekoa zuten hiru senidek bisita galdu dute gaur. Madriletik datorren zirkular bat dela medio, senideak katxeatu nahi izan dituzte. Hirurek aurrez aurrekoa eta bisita galdu egin dituzte. Gainontzeko senideak, soilik bisita arrunta zeukatenak, lokutorioetan sartu eta presoei gertatutakoa kontatu diete. Horren ondorioez, presoek lokutorioetatik irten eta bisita gabe geratu izan dira ere.

Bestalde, Curtiseko espetxean ere, Zigor Blanco eta Iñaki Peñaren senideak aurrez aurrekorik gabe geratu dira ere. Peñaren aitak bisitak egiten diren areto batetara sartu nahi izan du guztiaren gainetik. Han zegoela, zerbitzu burua azaldu eta Goardia Zibila deitu du. Hauek, Peñaren aita atxilotu dute, “por desobediencia a la autoridad” eta “por no dejarse cachear”. Orain, epailearen aurretik pasatu beharko du. Gainontzeko senideek, bisita normala zeukatenek, bisita egin ahal izan dute.

Herrera de la Manchan, aurrez aurreko familiarra zuten senide eta presoak bisitarik gabe geratu dira. Almerian ere, beste lau senide bisita barik geratu dira eta Villenan (Alacanten) beste hainbeste suertatu da beste senide batekin.

Etxeratek gogor salatu nahi ditu gertakari guzti hauek. Egoera benetan larria da. Espetxe politika kriminalaren beste gogortze baten aurrean gaude. Orain, senideak daude jo-puntuan. Gure kontrako erasoak gora doaz, etengabe eta horren lekuko dira azken urtean gertatutako erasoak, mehatxuak, irainak, kolpeak, argazkien polemika, Etxerat bera legez kanpo uzteko mehatxua edo azken egunetan Badajoz, Albacete, Foncalent, Alcalá Meco, Curtis edo Huelvan gertatutakoak.

Elkartasuna eta senideak kolpatuz, presoak suntsitu nahi dituzte. Euren inguru sozial eta afektiboa kolpatuz, presoa beraren egoera larritu eta zaildu nahi dute. Baina, argi eta garbi esan nahi diegu ez ditugula gure senide eta lagun presoak bakarrik utziko. Ez dira inoiz bakarrik ibiliko.

zabaldu | bildu

Algortako presoen azken urtebetetzeetako jaia egingo da bihar, azaroak 13, 20:30etatik aurrera, 20:00tan ostiral guztietan egiten den ohiko elkarretaratzearen ondoren.

Musika, giroa… eta sorpresak!

Idatzi egiezu!!

zabaldu | bildu