ukberri.net

Jagoba Terrones eta Berangotik Espainiako Auzitegi Nazionaleko Madrilgo Casa de Campoko egoitzara hurbildutako lagunak bueltan zirela, 35 lagun elkartu ziren Gudarien plazan (argazkian), Amnistiaren Aldeko Batzordeen (AAB) kontrako epaia salatu eta Terrones berari eta zigortutako gainontzeko 20 herritarrei elkartasuna adierazteko. Berangoztarrari 8 urteko espetxe zigorra ezarri diote eta, epaia irmoa izan arte, baldintzapean aske utzi dute. Mitxel Sarasketa getxoztarra, berriz, libre geratu da kargurik gabe. Beraren aurkako akusazioa erretiratu egin zituen fiskalak epaiketa amaitzean. Dena dela, 120 bat algortarrek ere 33/01eko auzipetuei keinu egin zieten, Telletxe plazan egindako kontzentrazioan. Bestalde, Leioan (65 lagun), Itzubaltzeta / Romon (50 lagun) eta Urdulizen (8 lagun) ere mobilizazioak egin zituzten. Azkenik, Sopelako kaleetan zehar egindako kotxe karabanan 15 ibilgailuk baino gehiagok parte hartu zuten. Gaur ere kontzentrazioa egingo dute Berangon, 20:00etan. Bien bitartean, Erandion 14 lagun elkartu ziren astelehenean, Jon Bilbao Mororen askatasuna aldarrikatzeko. Atzoko argazki gehiago hemen ikus daitezke.

33/01 auziaren sententziari aurre egiteko mobilizazioen egitaraua:

Irailak 19, ostirala

- 20:00etan, Algortan, manifestazioa.
- 20:00etan, Leioan, kontzentrazioa.

>> eitb24.com:

ukberri.net

Leioa, Erandio eta Uribe Kosta osoko 300 lagun baino gehiagok parte hartu zuen pasa den igandean Urtzi Murueta preso ohi leioaztarrari Plaza Gorrian egindako ongi etorrian. Ohiko txapela eta lore sortaz gain, hainbat opari egin zizkioten Muruetari Leioako eragile soziopolitikoek eta auzokideek. Ekitaldian, txalapartariak, bertsolariak, olerkariak, musikariak, Urtziren lagunak, auzokideak, preso ohiak, Andoni Hernandez eta Pili Artze iheslarien urkoak zein Amnistiaren Aldeko Mugimenduko kideak izan ziren oholtzaren gainean. Murueta zoriontzeaz gain, Hernandez eta Artze Leioako errefuxiatuak, Mikel Ibañez elgoibarra eta beste preso gaixo kroniko eta sendaezinak, tartean Anjel Figueroa algortarra, izan zituzten gogoan. Era berean, garai honetan amnistiaren alde lan egiten duten erakundeak inoiz baino beharrezkoagoak direla azpimarratu zuten eta presoen eskubideen alde lan egiteko konpromisoa eskatu zieten bertaratutakoei. Ekitaldiaren ostean 150 bat pertsonek herri bazkari batekin ospatu zuten Muruetaren askatasuna. Argazki gehiago ikusteko sakatu hemen.

Murueta sei urte egon zen Frantzia eta Espainiako kartzeletan, hasieran jarritako zigorra betetzen eta 2007ko irailean, zeukan zigorra amaitu zuenean, Jose Maria Lidon epailearen hilketagatik epai zezaten espetxean mantendu zuten, gero Espainiara estraditatzeko eta pasa den otsailean epaitzeko. Espainiako Auzitegi Nazionalean, 30 urteko zigorra eskatzen ziotela, bere aurka aurkeztutako froga bakarra Orkatz Gallastegiri Ertzain-Etxean sinarazi zioten deklarazioa da, behin eta berriz Gallastegik, defentsak eta Askatasunak Orkatz torturatu ostean sinatutakoa dela nabarmendu dutena. Gallastegi ez bezala Murueta errugabe jo zuten epaileek eta ekainaren 4an askatu zuten. Hurrengo egunean 250 lagunek egin zioten harrera eta handik egun batzuetara Blanca Rodriguez fiskalak Espainiako Auzitegi Gorenean helegitea aurkeztuko dueneko albistea jaso zuten Muruetak eta bere familiak.

ukberri.net

Igande honetan, ekainak 22, ongi etorri ekitaldia egingo diote Leioako auzokideek kaleratu berri den Urtzi Murueta preso ohiari. Omentzeko ekitaldia 13:30ean hasiko da, Plaza Gorrian, eta horren ostean herri bazkaria izango da. Txartelak dagoeneko eros daitezke Kurkudi elkartean. Murueta sei urte egon da Frantzia eta Espainiako kartzeletan, hasieran jarritako zigorra betetzen eta irailean, zeukan zigorra amaitu zuenean, Jose Maria Lidon epailearen hilketagatik epai zezaten espetxean mantendu zuten, gero Espainiara estraditatzeko eta pasa den otsailean epaitzeko. Espainiako Auzitegi Nazionalean, 30 urteko zigorra eskatzen ziotela, bere aurka aurkeztutako froga bakarra Orkatz Gallastegik Ertzain-Etxean egindako deklarazioa da, behin eta berriz Gallastegik, defentsak eta Askatasunak Orkatz torturatu ostean jasotakoa dela nabarmendu dutena. Gallastegi ez bezala Murueta errugabe jo zuten epaileek eta ekainaren 4an askatu zuten. Hurrengo egunean 250 lagunek egin zioten harrera eta handik egun batzuetara Blanca Rodriguez fiskalak Espainiako Auzitegi Gorenean helegitea aurkeztuko dueneko albistea jaso zuten Muruetak eta bere familiak.

Urtzi Murueta, Leioan egindako harreran

Espainiako Auzitegiko fiskaltzak iragarri duenez, Tribunal Gorenera errekurrituko du Urtzi Murueta absolbitu zuen epaia.

>> Europa Press: hemen.

ukberri.net

Goizeko 5:30ean etxera heldu eta emaztearekin eta haurrarekin askatasuneko lehenengo orduak eman ostean Urtzi Murueta leioztarrak 250 bat lagun, auzokide eta herkideren berotasuna jaso zuen atzo iluntzeko 9etan egin zioten harreran. Leioako Plaza Gorrian auzokideek ikurrinak, arrano beltzak eta euskal presoak etxeratzeko ikurrez hornituta ibilgua egin zizkieten Murueta, emazteari eta bion haurrari, Kurkudi kultur ekartearen bidean. Gainera, lore sortak eskaini zizkioten eta ondoren, Kurkudin zein Ganeko tabernetan bere erretratuak batu zituen Muruetak. Horrekin batera, Beñat Vidal eta preso ohia ere izan den Galder Bilbao “Txapi” bertsolarien bertsoez gozatu eta txanpainarekin brindatzeko aukera izan zuten bildutakoek. Une honetan, eta 6 urtez gatibu egon ostean Murueta kaleratu ondoren, Leioan ez dago preso politikorik, baina Urtzi Murueta oraindik behin-behinekotasunean bizi da, balizko errekurtsoen zain. Preso ohiak, baina, ez zuen deklaraziorik egin nahi izan “oraindik hodei batean nago eta”. Atzoko argazkiak hemen daude ikusgai.

ukberri.net

Urtzi Murueta (Leioa)

Urtzi Murueta preso politiko leioaztarra bihar, asteazkena, goizean helduko da bere herrira, Lidon epailea hil izanaz errugabetzen duen epaia gaur jaso ostean. Leioako Amnistiaren Aldeko Mugimenduak UKBERRI.NETi jakinarazi dionez, Muruetak ezustean hartu du albistea, Alacanteko presondegiko espetxe funtzionario batek epaia eman dionean. Absoluzioarekin batera etorri behar den kaleratze-agindua noiz emango duten galdetu du orduan Muruetak eta, gertukoei telefonoz azaldu dienez, afal ostean izango dela jaso du erantzunean. Segidan, senide eta lagunak autoz abiatu dira Madrilera, bide erdian Muruetarekin batzeko asmoz. Hortaz, “dena ondo joanez gero” goizeko 6etarako edo 8etarako egon liteke Leioan.

Urtzi Murueta pasa diren otsailaren 28an eta 29an epaitu zuten Espainiako Auzitegi Nazionalean eta Blanca Rodriguez fiskalak 30 urteko espetxe zigorra eskatu zuen berarentzat, 2001eko azaroaren 7an ETAk Algortako bere etxe aurrean hil zuen Jose Maria Lidon epailearen hilketan ezinbesteko kolaborazioa eman zuela egotzita. Zehazki, Orkatz Gallastegiri Lidon epailearen jarraipena egitea agindu eta datuak jaso ondoren ekintza burutu zuten ETAko kideei pasatu izana leporatu zioten Muruetari.

Froga bakarra, torturaren susmopean

Defentsak, baina, Urtzi Muruetaren aurkako froga bakarra Ertzaintzak, torturaren bidez, Orkatz Gallastegiri sinarazitako deklarazioa zela salatu zuen. Gainera, Gallastegik inoiz ez du deklarazio hura berretsi eta epailearen aurretik eraman duten bakoitzean torturak salatu eta guztia ukatu du.

AAMk bere aldetik nabarmendu zituen Murueta kondenatzeko zeuden bestelako interesak: “batetik, Espainiako Auzitegi Nazionalak euskal herritarren aurka daraman estrategiaren barruan sartzen da epaiketa hau ere, eta bestetik, 30 urteko espetxe zigorraz gain, fiskalak milioi bat euroko kalte-ordaina eskatzen du, eta kasu honetan, Lidonen familia dirutza hori kobratu gabe geldituko da Urtzi absolbituz gero”. Izan ere, errepresioaren aurkako mugimenduaren arabera, “Urtzik dirutza hori ordaindu ezin badu, Estatuak bere gain hartu beharko luke kalte-ordaina, azken urteotan terrorismoaren biktima talde horiek Gobernuarekin egindako akordioaren arabera. Modu horretan, eta horregatik kondenatu zuten Orkatz ere azken finean, epaileen arteko korporatibismoa tartean, nahiz eta dirutza horiek kobratzeko gazte hauek bizitza osorako espetxean sartu behar”, salatu zuten epaiketaren garaian.

Urtzi Murueta 2007ko irailaren 6tik preso izan dute Lidon kasua zela eta. Izan ere, egun horretan amaitu zuen Frantzian zuen zigorra eta bost egun beranduago Espainiaratu arte gatibu izan zuten. Irailaren 12an Espainiako Auzitegi nazionalera eraman zuten deklaratzera eta Soto del Realgo espetxean sartu zuten. Goian aipatu bezala, otsailaren amaiera arte epaiketaren zain egon zen Murueta eta, azkenik, pasa den apirilaren 25ean Soto del Realetik atera eta Alacantera eraman zuten.

> berria.info: Lidonen hilketarekin lotuta epaitu zuten Urtzi Murueta errugabetu egin dute
> askatu.org: Igor Maiora eta Urtzi Murueta aske gelditu dira.

Andoni Hernandez (Leioa)

Andoni Hernandez Leioako iheslari politikoaren urtebetetzea da gaur, maiatzaren 30ean.

Aukera ona agur bat bidali eta zorionak emateko, bere bizitza guztian erakutsi duen konpromiso eta duintasunagatik. Eta bide batez gorantziak Piliri ere!

Euskal Herriak askatasuna behar du!

Helbidea:

Andoni Hernandez Ibarluzea
M. et Mme. HERNANDEZ IBARLUZEA
Résidence Artzaïna
Chemin de Mestelan behera
Bâtiment B – Logement nº 10
64.210 – ARBONA (LAPURDI)
EUSKAL HERRIA

Kartela handiago ikusteko, sakatu irudiaren gainean

sareantifaxista.blogstop.com

Udondo Gaztetxea, Txarla. Bahia de Pasaia, emboscada criminal.
Maiatzak 2an, arratsaldeko 19:30etan hitzaldia izango da Udondo Gaztetxean 1984ko martxoaren 22ko erailketen gainean.

Udondo * E.H
Pasaiako badiako enboskadaren inguruan hitzaldia izango da Udondo Gaztetxean. Maiatzak 2an, arratsaldeko 19:30tan hitzaldia izango da Udondo Gaztetxean 1984ko martxoaren 22ko erailketen gainean. 1984ko martxoaren 22an Pasaiako badiako enboskada batean komando antikapitalista autonomoetako kide ziren Pelu, Txapas, Kurro eta Pelitxo hil ziren polizien balak akribilatuta.
Maiatzak 2, Ordua: 19:30etan
Erakusketa: Udondo Gaztetxea, Udondo auzoa (Leioa * Bizkaia)
Hizlaria: Santiago Gonzalez (Kasuaren Abokatua).
Erakusketa, bideoak, materialak eta argazkiak.

Antolatzailea eta laguntzailea:
Udondo Gaztetxea. http://blog.sindominio.net/blog/udondogaztetxea

Sare Antifaxista.

Urtzi Murueta (Leioa) epaiketa batean

Urtzi ostiralean Soto del Realetik atera eta Valdemorora eraman zuten, egun hauetan Alacanteko espetxera eramateko.

Bere etxekoek Soto del Realera bisitatzera joan zirenean izan zuten aldaketaren berri. Horretara, bisita egin gabe bueltatu behar izan zuten etxera.

Ziur esan ezin dugun arren, ustez Villenako espetxera eramango dute

Villena Leioatik 755 kilometrotara dago

Euskal Presoak euskal herrira, dagozkien eskubide guztien jabe!
EUSKAL HERRIAK ASKATASUNA BEHAR DU!

Urtzi Murueta (Leioa), epaiketan

Joan zen astean, otsailaren 28 eta 29an, Espainiako Auzitegi Nazionalean egindako epaiketan, fiskalak 30 urteko espetxe zigorra eskatu du Urtzi Muruetarentzat, 2001eko azaroaren 7an ETAk Getxon hil zuen Jose Maria Lidon epailearen hilketan ezinbesteko kolaborazioa izan zuela egotzita. Hain zuzen ere, Blanca Rodriguez fiskalak esan zuen Urtzik Orkatz Gallastegiri Lidon epailearen jarraipena egitea agindu ziola eta datuak jaso ondoren ekintza burutu zuten ETAko kideei pasatu zizkiela.

30 urteko espetxe zigorraz gain fiskalak milioi bat euro gehi epailearen autoak izandako 5.963 euroko kalteak Lidonen familiarrei idemnizatzeko eskatzen du Urtzirentzat.

Abokatuak ordea esan zuenez Urtziren kontra erabiltzen ari den elementu bakarra Orkatzek Ertzaintzaren komisarian torturapean sinatutako deklarazioa dela, deklarazio hori ez dela inondik inora berretsi, Orkatzek epailearen aurrean torturak salatu eta guztia ukatu baitzuen. Ez dagoela besterik, eta horixe da, epaiketan izan diren 14 lekukok eta 1o peritok deklaratu ostean, Urtziren kontra erabili nahi duten “proba”, elementu edo kasu honekin duen lotura bakarra.

Urtzik berak ere leporatzen dioten guztia ukatu egin du epaiketan.

Orkatz Gallastegi kondenatuta dago auzi honetan. Berak berriro esan zuen ez duela inoiz epailearen gaineko informaziorik jaso eta ez ziola Urtziri horren gaineko inolako daturik eman. Ertzaintzak komisarian deklarazio bat sinarazi egin ziola torturak eta mehatxuak erabiliz, besterik gabe (Orkatzen kondena eta jasandako torturak).

Horrela inor ezin dela kondenatu pentsa daiteke, baina hau beste kontua da: batetik, Espainiako Auzitegi Nazionalak euskal herritarren aurka daraman estrategiaren barruan sartzen da epaiketa hau ere, eta bestetik, 30 urteko espetxe zigorraz gain, fiskalak milioi bat euroko idemnizazioa eskatzen du, eta kasu honetan, Lidonen familia dirutza hori kobratu gabe geldituko da Urtzi absolbituez gero. Izan ere, Urtzik dirutza hori ordaindu ezin badu, Estatuak bere gain hartu beharko luke idemnizazioa, azken urteotan terrorismoaren biktima talde horiek Gobernuarekin egindako akordioaren arabera. Modu horretan, eta horregatik kondenatu zuten Orkatz ere azken finean, epaileen arteko korporatibismoa tartean, nahiz eta dirutza horiek kobratzeko gazte hauek bizitza osorako espetxean sartu behar.

Bestela ere, epaiketan epaileak errieta egin behar izan zion ertzain bati deklaratzerakoan berari ez zegokion zenbakia eman zuelako, bere nortasuna mozorrozteko.