Txapik ia 3 urte egin zituen espetxean, atxiloketa “prebentiboaren” ondorioz. Argazkian, 2006ko ekainaren 26an, kalera irten zenean

Abenduaren 9an hasiko da 13 euskal herritarren epaiketa Espainiako Auzitegi Nazionalean. 2003an atxilotu zituzten, sarekada “prebentiboetan” , poliziaren arabera Frantzian atxilotutako ETAko kide batek enkriptatuta zeukan zerrenda batean beraien ezizen edo gaitzizenak agertzen zirelako. Horixe da beraien kontrako akusaziorako elementu bakarra. Poliziaren arabera pertsona horiek etorkizunean ETAn sartuko liratekeen.

Epaituko dituztenen arten Galder Bilbao “Txapi” (Algorta) dago. Gainerako akusatuak Ramon Lopez Cid (Altsasua), Zugaitz Izagirre Ameztoi (Oiartzun), Carlos Moises Martin Sanchez (Usurbil), Alberto Gonzalez Etxeberria (Donostia), Arantza Martin Sanz (Bilbo), Francisco Javier Gil Rosado (Bilbo), Gorka Iriarte Saez (Bilbo), Mikel Garaiondo Bastida (Eibar), Maider Egiguren Galarraga (Azpeitia), Iker Casanova Alonso (Barakaldo), Regina Maiztegi Aoitiz (Sevilla) eta Ikerne Idakoetxea Barberia (Nafarroa) dira.

Epaiketa abenduaren 9, 14, 15, 16 eta 17rako deituta dago, goizeko 10:00etan, Espainiako Auzitegi Nazionaleko 3. atalean.

Fiskalak 10 urteko espetxe zigorra eskatzen du lau lagunentzat, ETAko kideak direla egotzita, eta 7 urteko espetxe zigorra gainerakoentzat, ETAri laguntza ematea egotzita. Terrorismoaren Biktimen Elkarteak 10 urteko espetxe zigorra eskatzen du guztientzat, ETAko kideak direlakoan, edo 7 urte, subsidiarioki, ETAri laguntza emateagatik.

Sarekada prebentiboak

Galder Bilbao “Txapi” 2003ko urriaren 8an atxilotu zuten Getxon. Galder atxilotu zuten egun horretan 34 pertsona atxilotu zituzten, 29 Garzonen aginduz eta 5 Le Verten aginduz. Espainiako Poliziak esan zuen atxilotutakoak ETAren kaptazio aparatuaren kideak zirela. Hurrengo egunetan haietako hainbat libre geldituko ziren. Atxilotutakoek tratu txarrak jaso zituztela salatu zuten.

Epaituko dituzten beste batzuk 2003.11.18an atxilotu zituzten. Egun horretan 13 herritar atxilotu zituzten, beste sarekada “prebentibo” batean.

2003 eta 2005 artean 131 herritar atxilotu zituzten kaptazio aparatukoak zirelakoan, Ibon Fernández de Iradiri ustez aurkitutako paperetan oinarrituta.

Txapi 2006ko ekainaren 26an kaleratu zen, 30.000 euroko fidantza ordainduta. Txapirekin batera sarekada berean atxilotutakoak ere kaleratu ziren: Regina Maiztegi, Karlos Martin, Zugaitz Izagirre, Maider Egiguren, Goizeder Anton, Ikerne Indakoetxea, Garikoitz Mendioroz, Ramon Lopez, Jugatx Duñabeitia, Iker Casanova, Arantza Martin eta Jabier Gil.

Beste epaiketa bat

Beste alde batetik, Txapik beste epaiketa eduki zuen 2004ko ekainean. Getxoko PPko zinegotzi Marisa Arrueri 1999 urtean bidali zizkioten Euskal Presoak Euskal Herrira lemako postaletako bat berak bidali zuela leporatu zioten. Poliziak esan zuen bere hatz marka topatu zutela gutunazalean. Txapik ukatu zuen berak karta hori bidali zuenik. Gainera idatzitako testuaren kaligrafia ez zen berea. Izan ere, karta horiek kanpaina baten barruan bidali ziren, eta kalean egon ziren jarrita mahaietan, jendeak bidaltzeko. Bi urteko espetxe zigorra sartu zioten. Algortako beste gazte bat ere zigortu egin dute akusazio horregatik.

2005eko maiatzean Auzitegi Gorenak absolbitu egin zuen “delitu” honetaz, epaitu zutenerako preskribituta zegoelako argudioarekin.

>> atxiloketa prebentiboei buruzko dossierra.pdf
>> askatu.org: Juicio: 13 PERSONAS SERÁN JUZGADAS EN LA AUDIENCIA NACIONAL “POR SI ACASO”
>> gara.net: Otros trece detenidos «por si acaso», al banquillo
>> berria.info: Proiektu guztien alde, manifestaziorako deia Iruñean

ASKI DA!
Muntaia politiko-polizialik ez!
Euskal Herriak askatasuna behar du!

zabaldu | bildu

Aitor Artetxe (Algorta)

Pariseko Apelazio Auzitegiak Aitor Artetxe, Itziar Plaza eta Andoni Sarasola Espainiara eramatea erabaki dute, Espainiako Auzitegi Nazionalean epaitzeko. Hala ere, Frantzian erakunde armatuko kideak izateagatik zabalik dituzten sumarioak burutu arte ez dituzte Espainiara eroango.

Aitoren kasuan, Espainiako Auzitegi Nazionaleko Predraz epailek emandako euro-aginduari erantzuten dio Frantziako Auzitegiak. 2008ko maiatzaren 19an Getxoko Club Maritimoren aurkako erasoan parte hartzea leporatzen diote. Horretarako, atxilotuek Espainiako poliziaren etxean egindako deklarazioetan oinarritzen dira, hau da, inkomunikazioan eta torturapean sinarazitako deklarazioetan.

Aitor Artetxe 2008ko abenduan atxilotu zuten.

>> el correo español: La Justicia gala ordena la entrega de los etarras Artetxe, Plaza y Sarasola

Helbidea:

Aitor Artetxe Rodriguez
21524
Maison d’Arrêt de Seine Sain-Denis
Avenue Vauban
93.422 Villepinte Cédex
FRANTZIA

Aski da!
Euskal Herriak askatasuna behar du!

zabaldu | bildu

ukberri.net

Pagoa Zulueta (Leioa)

Sententzian esandakoa beteta, gaur sartu dute preso Pagoa Zulueta. Gauzak horrela, gaur arratsalderako, mobilizazioa deitu du Leioako Amnistiaren Aldeko Mugimenduak. Bulebarrean egingo dute elkarretaratzea, 20:00etan. Espainiako Auzitegi Nazionalaren Penal Aretoko Hirugarren Atalak sei urteko espetxe zigorra ezarri zion Pagoa Zuluetari. Uztailaren 10ean kaleratutako epaian, bera, Ana Itxaso Guemes, Anuntzi Alonso eta Anitz Eskisabeli ETAri laguntza eman izana leporatu zieten Alfonso Guevarak eta beste magistratuek. Hala ere, operazioa muntaia bat zela salatu dute hasieratik Zuluetaren auzokideek. Epaiketa “torturapean lortutako deklarazioetan oinarrituta” zegoela adierazi zuen AAMk.

Sententzian, ETAren informazio eta erreklutatze azpiegiturarentzat “belarriak eta ahoa” bihurtu izana egokitzen diete lauei. Zehazki, sei urte jarri zizkieten bakoitzari gutunak eman edo hainbat gai garraiatu dituztelakoan. Bertsio ofizialaren arabera, laurak erreklutatu zituzten Ibon Fernandez de Iradi “Susper”-ek eta Iñaki Bilbaok. Zuluetaren kasuan, beti epaileek diotenez, leioaztarrak uko egin zion ETAn sartzeari baina Bilbaok bidalitako “Hator ETAra” idatzita omen zuen mezuari erantzunez, hainbat tresna garraiatzea onartu ei zuen. Auto beraren bidez, Ixone Fernandez Bustilllo, Arkaitz Ormaetxe, Alaitz Artetxe, Asier Burgaleta, Angel Alkalde eta Mikeldi Diez aske utzi zituzten. Era berean, Eneko Perez eta Koldo Rosadoren aurkako karguak fiskalak berak kendu zituen pasa den urtarrilean egindako epaiketan. Orduan, 7 urte t’erdiko zigorra eskatu zuen Zuluetarentzat. Guztira, 14 lagun atxilotu zituzten 2005eko otsailaren 9an, “badaezpadako” sarekadan.

Ia bi urtez espetxeratuta

Atxilotu eta lau egun beranduago, fiskalak eskatuta, Garzonek Zulueta espetxeratu zuen. Guztiek, Espainiako Polizi Nazionalaren eskuetan inkomunikatuak izan ondoren, torturak salatu zituzten. Ia bi urte espetxeratuta izan ondoren, urtarrilaren 24an atera zuten leioaztarra Aranjuezen dagoen Madril VI espetxetik, 12.000 euroko fidantza ordaindu eta gero.

zabaldu | bildu

ukberri.net/bl

Ostegun honetarako, azaroak 5, Egunkaria auziari buruzko hitzaldia antolatu du Sopelako Meñakoz Euskal Kultur Erakundeak. Iñaki Uria auziperatua hurbilduko da bertara eta, hitzaldia emateaz gain, bideo bat ekarriko du. Ekitaldia 19:30etik aurrera izango da, Kurtzio kultur etxe berrian (Mendieta kalean, Balearen parkearen ondoan). Gauzak horrela, herritar guztiak gonbidatu ditu bertan batzera Meñakoz kultur elkarteak. Antolatzaileen hitzetan, “Egunkaria auziarekin gertatzen ari diren zentzugabekeria guztiak ezagutzeaz gain, auzipetuei elkartasuna adierazteko modu bat izango da”.

Bitartean, azaroan bertan omen da hastekoa “Euskaldunon Egunkaria”-ren itxierari buruzko epaiketa, eta herrietan Egunkaria-ren aldeko taldeak sortzen hasi dira jada. Xabier Oleaga Erandioko semea, Martxelo Otamendi, Iñaki Uria, Txema Auzmendi eta Joan Mari Torrealdai epaituko dituzte auzi honen barruan. AVTk 14na urteko zigorra eskatzen du bost akusatuentzat.

Hilaren 11rako, asteazkena, Bizarra Lepoan Getxo udalerriko euskara elkarteak antolatu du hitzaldia, bertan Martxelo Otamendi izango dela. Ekitaldia 19:30etik aurrera izango da, Algortako Aldai Patronatuan. Ekitaldira joaterik ez duenak Tas Tas irratiak Otamendiri egindako elkarrizketa (mp3) hemen du eskuragai

“Euskaldunon Egunkaria”-ren epaiketari begira prestatzen ari diren herri batzordeei buruzko bideoa, “Berria” TeleBistak ekoiztutakoa:

zabaldu | bildu

Aner Mimenza eta Borxa Urberuaga absolbitu egin dute, eta Asier Tapiari isuna jarri diote. Epaiketan ukatu egin zuten beraien kontrako egindako akusazioak eta sakabanaketa politika salatu besterik ez zutela egin adierazi zuten. Hala ere, fiskalak 3 urte eta erdiko espetxe zigorra eskatu zuen hirurentzat.

Aner Mimenza joan zen larunbatean kaleratu zen, 10.000 euroko fidantzarekin. Borxa Urberuaga datorren ostiralean kaleratuko da.

EPAIKETAREN SENTENTZIA HEMEN.doc

zabaldu | bildu

ukberri.net

Argazki gehiago ikusteko sakatu hemen.

IGANDEAN MANIFESTAZIOA: 13:00, FRONTOIA, BERANGON.

Espainiako Auzitegi Nazionalak espetxeratzeko agindua eman eta ordu gutxitara heldu dira kaputxadun poliziak Berangoko seme den Jagoba Terronesen Algortako etxera, 20:45ak aldera. Ezker abertzaleko kideen espetxeratzea salatzeko manifestazioa amaitu berri zegoen eta ez dira gutxi izan Bidebarri kaleraino hurbildu diren herritarrak. Hamar minutu eskasera agertu dira Ertzaintzaren bi furgoneta. Tentsio uneak nagusitu dira orduan. Hala ere, istilurik ez da egon. Hori bai, batutako hamarnaka gizon-emakumeak bideoz grabatu ditu polizia autonomikoak. 21:00ak pasata atera dute Terrones bere etxetik kaputxadun poliziek, autoz espetxerako bidea hartzeko. Auzitegi Nagusiak zortzi urteko espetxealdia ezarri zion berangoztarrari eta gaur bertan berretsi du zigorra Auzitegi Gorenak. Une horretan areagotu dira Terronesen aldeko aldarriak eta “zaintza lanetan” zebiltzan ertzainen kontrako laidoak. “Eusko Gudariak” abestuta egin diote agur Jagoba Terronesi lagun eta senideek. Argazkian, agur besarkadak.

>> gara.net: 33/01 auziagatik aske zeuden zortzi prozesatuak atxilotu dituzte

>> gara.net: Ya son siete los procesados de Gestoras pro-Amnistía y Askatasuna detenidos

zabaldu | bildu

ESPAINIAKO AUZITEGI GORENAREN SENTENTZIA OSOA.doc HEMEN

ESPAINIAKO AUZITEGI GORENAREN SENTENTZIA OSOA.pdf HEMEN

Jagoba Terronesek 8 urteko espetxe zigorra bete beharko du.

Espainiako Auzitegi Nazionalak 21 lagun zigortu zituen, Amnistiaren Aldeko Batzordeak eta Askatasuna “erakunde terroristetan aritzeagatik”. Gaur emandako sententzian, Espainiako Auzitegi Gorenak Aitor Jugo absolbitu eta gainerako zigor guztiak berretsi egin ditu.

Amnistiaren Aldeko Mugimenduaren irakurketa espainiar Entzutegi Gorenaren epaiaren aurrean:

Ezer baino lehen espetxeratuak dauden eta espetxeratuak izango diren gure lagunei elkartasun osoa bidali nahi diegu gaurko egunez.

Epaiaren inguruan honako balorazioa egiten dugu:

Amnistiaren Aldeko Mugimenduaren lana erabat publikoa izan da, da, eta izango da.

Estatuak errepresiorik basatiena bururaino eramateko bere tresna eta aparatu guztiak aktibatuak ditu une honetan. Ondorioz, errepresioaren aurkako lana zigortzea errepresio estrategiaren logikan baino ezin da ulertu. Estatuak gerra zikina erabiltzen jarraitu nahi duelako zigortzen du gerra zikinaren salaketa, torturatzen jarraitu nahi duelako atxilotzen du torturaren aurkako lana, Guantanamo erraldoia irekita mantendu nahi duelako espetxeratzen dute muturreko espetxe politikaren aurkako militantzia.

Estatuak errepresioaren hautua bururaino eraman nahi duelako ezabatu nahi du Amnistiaren Aldeko Mugimendua. Baina nonbait, ez dira ohartu Amnistiaren Aldeko Mugimendua ez dela hamar, hogei edo ehun lagunek osatzen dute zerbait. Amnistiaren Aldeko Mugimendua errepresioaren aurrean antolatzen den herria da. Eremuz eremu, konpromiso maila oso ezberdinekin errepresioak uzten dituen ondorioei aurre egin eta errepresio egoera gainditzen lan egiten duen herritarren multzoa da Amnistiaren Aldeko Mugimendua.

Uste dute epai honen ondoren herritar gutxiago joango direla presoak bisitatzera? Uste dute kaleetan argazki gutxiago izango direla? Uste dute herriz herriko mobilizazioak bertan behera geldituko direla? Uste dute torturaren salaketak ez direla Nazio Batuetara iritsiko? Uste dute iheslari politikoek ez dutela dauden tokian daudela babesa jasoko? Uste dute Jon Anzaren desagertzearekin ahaztuko direla herritarrak? Uste dute kolore guztietako polizien bortizkeria isilik pasako dela? Ez gaituzte isilduko, ez gaituzte geldituko, ez gaituzte garaituko.

Amnistiren Aldeko Mugimenduan antolatuak gauden ehunaka, milaka herritarrok eguneroko lan xumeari loturik jarraituko dugu. Une gogor hauetan, errepresioaren aurkako lana indartzeko deia egiten diegu herritarrei, datozen ordu eta egunetan burutuko diren mobilizazioetan parte hartuz.

>> wikipedia: 33/01 auzia
>> berria.info: Espainiako Auzitegi Gorenak berretsi egin du AAMri buruzko epaia
>> berria.info: Espainiako Auzitegi Nazionalak zigortutakoak
>> gara.net: El Tribunal Supremo mantiene las condenas y comienzan los arrestos
>> gara.net: Julen Larrinaga Condenado en el sumario 33/01«El Estado utiliza la fuerza porque carece de proyecto político»
>> europa press: El Supremo absuelve a uno de los dirigentes de Gestoras Pro Amnistía

zabaldu | bildu

Aitor Jugo bart irten zen espetxetik, joan zen astean Auzitegi Gorenak Amnistiaren Aldeko Mugimenduaren kontrako 33/01 auziko sententziako helegitea aztertu ondoren.

Espainiako Auzitegi Nazionalak 10 urteko espetxe zigorra ezarri zion Aitor Jugori. Epaian, ordea, esaldi bakarra ageri zen: “Aitor Jugo fue responsable nacional de las Gestoras pro-Amnistia”. Helegitearen bistan fiskalak ere onartu zuen zigorrak, kasu horretan, ez zuela oinarririk sententzian. Hala ere, 10 urteko zigorra mantentzea eskatu zuen.

Bestalde, Aitor Jugo kalera ateratzeak Auzitegi Gorenak epaia berehala emango duela ere esan nahi du. Eta gogoratu behar dugu, besteren artean, Jagoba Terronesek (Berango) 8 urteko espetxe zigorra zintzilik duela epai horretan.

>> wikipedia: 33/01 auzia

Euskal Herriak askatasuna behar du!

zabaldu | bildu

ukberri.net

Espainiako Auzitegi Nazionalak 33/01 sumarioan zigortutako 21 herritarrak absolbitzea eskatu diote Auzitegi Gorenari, gaur egindako bistan, horien guztien abokatuek, albiste agentziek zabaldu dutenez. Horretaz gain, Amnistiaren Aldeko Batzordeen eta Askatasunaren legezkotasuna aitortzeko eskaria egin diote Juan Saavedra Goreneko Zigor Salako presidenteak eta Manuel Maza, Joaquin Gimenez, Miguel Colmenero eta Francisco Monterde epaileek osatutako tribunalari. Letradunen arabera, “Auzitegi Nazionalak -aipatu erakundeei- egozten dizkien zereginen artean, bakar batean ere ezin da frogatu indarkeriazko ekintzekin edo ETArekiko zuzeneko lotura dagoenik”. Gainera, “frogatutzat ematen diren gertaerei begiratuta, neurrigabeak dira ezarritako zigorrak”. Fiskalak, ordea, hori ukatu eta guztientzako zigor eskaerak mantendu ditu, “egozten zaizkien karguei eusteko froga nahikoak” daudelakoan. Epaitutako lagunen artean, Jagoba Terrones berangoztarrari 8 urteko espetxe zigorra ezarri zion Auzitegi Nazionalak. Argazkian, AAMren kontrako epaia salatzeko Berangon egindako manifestazioa.

Hamar urteko espetxe zigorra jarri nahi dieten Juan Mari Olano, Julen Zelarain eta Aitor Jugok “Amnistiaren Aldeko Batzordeen goi-karguak izanik, horien jardueran parte-hartze garrantzitsua” izan zutela aipatu du fiskalak; beti ere albiste agentziek aipatzen dutenez. Hala ere, Jugoren kasuan, “salak berak baloratu beharko lituzke bere aurka dauden frogak”, bere ustez. Bitartean, fiskalaren arabera, “militante hutsak ez dira” zigortutako gainontzeko lagunak: “Amnistiaren Aldeko Batzordeen arlo zehatzetan ardurak zituzten horiek”, aipatu duenez. “Mobilizazioak, kanpainak edota Batzordeei ‘harengak’ kriminalizatzen ari ez” direla ere adierazi du fiskalak; “ETAren aginduetara aritzea baizik”, gaineratu duenez.

>> askatu.org: “Errepresioaren aurrean antolatzen den herria da Amnistiaren Aldeko Mugimendua”
>> berria.info: AAMren ustez, zigorra berretsiko du Gorenak, «errepresioa zilegi izateko»
>> gara.net: «Gu espetxeratu arren, preso bakar bat ere ez da bakarrik geratuko»
>> europapress.es: La Fiscalía pide al TS que avale la condena a 21 responsables de Gestoras porque seguían “consignas impuestas por ETA”

zabaldu | bildu

ukberri.net

Kepa Saratxaga, Urtzi Paul, Zigor Goikoetxea eta Endika Lejarzegi Algorta eta Getxoko gazteak epaitu dituzte gaur Bilboko Zigor Arloko 6. zenbakiko epaitegian. Fiskalak iritzi dionaren arabera, laurek beste pertsona askorekin batera, 2002ko maiatzaren 26an, Algortako Bidezabal metro geltoki aurrean, Ibilaldiko zirkuitutik gertu, baimenik gabeko txosna bat muntatzen saiatu ziren. Bertsio horren arabera, udal langileek txosna kentzera joan zirenean haien lana oztopatu eta ertzainen aurka erresistentzia egin zuten auziperatuak txosnako garagardo kupel eta iturriei zein udal kamioiari helduz. Era berean, ertzainak iraindu, jipoitu eta harrikatu izana leporatu die. Baina hori sostengatzeko elementu gutxi izan du fiskalak. Izan ere, 11 ertzainek, 3 udaltzainek eta kaltetuta irten zen auzokide batek egindako deklarazioetan haietako batek baino ez ditu Endika Lejarzegi eta Kepa Saratxaga akusatu. 59667 fikzio-zenbakiarekin deklaratu duen ertzainak, baina, bere lankideekin hainbat kontraesanetan erori da. Adibidez, Saratxaga beste agente batekin zegoela, berak harriak bota izana leporatu dio, harriak handik eta 200 bat metro harago eta hainbat denbora beranduago izan baziren ere. Era berean, 2002an egindako agerpenean deskribatu ez zuen ustezko hainbat gertakari gaur oso memoria onaz gogoratu du. Orain dela 7 urte egin zuen idatzizko deklarazioaren arabera “fitxategi bideografiko” bat ikusiz identifikatu zituen aurretik ezagutzen zituen ustezko egileak. Halere, sumarioan ez dago inolako bideorik. Horretaz galdetuta, idazterakoan eta irakurtzerakoan lapsus bana izan zuela erantzun du ertzainak, erabili zuena argazkia multzoa zela esanez. Argazkian, hainbat ertzain istiluen kontrako materialaz hornituta.

Urtzi Paul Larrearen kasuan ere, aipatutako 59667 ertzainak baino ez du identifikatu, kamioia oratzen berau oztopatzea helburu zuela esanez. Alabaina, 59665 zenbakia jarri dioten ertzainak 2002an bertan identifikatu zuen kamioiaren beheko aldetik eusten zuen gaztea, Ezagutzen zuela, “Urtzi” zeukala izena eta mutil handia zela esanez. Handik denbora batera, ikerketa batzuk egin ostean abizenak ere bazekizkiela deklaratu zuen Urtzi Azkorrari ekimenean parte hartu izana leporatuz. Gaur ere, beste ertzain batzuek Urtzi Azkorraz mintzatu dira eta auziperatuta ez dagoen gazteak ere onartu du horretan aritu zela.

Baina, kasu bitxiena Marisa Arrue zinegotzi popularrak eta hainbat hedabidek azken urteotan famatu duten Zigor Goikoetxearekin gertatu da. 2002an Aizkorrikoa aipatu ere egin ez zuten ertzainek gaur beraz gogoratu dira eta hainbatek istiluetan kokatu dute. Batzuk, garagardo kupelei helduta, beste batzuk kamioiaren beheko aldean, aurrean, atzean edota tartean eta egon da matxinada osoaren buruzagia izatea leporatu diona, zehazki zer egin zuen, berriz, gogoratu ez duena. Udaltzainek, auzokideak, San Nikolas ikastolako kideek, Urtzi Azkorrak eta defentsaren beste lekukoek, berriz, Zigor Goikoetxea istiluetatik gertuen zegoen Ibilaldiko sarreraren azpiegitura arduraduna zela adierazi dute, baita gazteak istilua ekiditeko lasaitasuna eskatu zuela ere. Lejarzegi ere Ibilaldirako egon zen lanean egun horretan, Saratxaga eta Urtzi Paul zirkuituaren barna aritu zirela.

Deklarazio guztiak amaituta, fiskalak berretsi ditu kargu guztiak eta bakoitzeko bi urteko espetxe zigor eskaera baita isuna ere. Defentsaren akusatuek, berriz, absoluzioa eskatu dute, frogarik ez dagoelako. Gainera, ertzain guztien lekukotasunen aurka egin dute bionbo baten atzetik eta fikzio-zenbakiekin deklaratu dutelako neurri horiek ezartzeko inolako motiborik agertu ez denean eta defentsarako babesgabetasuna sortu duelakoan. Bestalde, ukatu dute erresistentzia delitua ezar dakiokeenik, inork ez baitu zehaztu auziperatuei inolako agindurik eman ziotenik, ezta era bortitzean jardun zuten. Lesioen kasuan ere horiek ez dira frogatu eta kalteak dagoeneko ordaindu zituzten aseguru-etxeek eta ez dute kalte eskaerarik egin. Atentatuari dagokionez ere, Saratxagari leporatutakoaz gain, beste auziperatuen aurka ez dagoela ezer gogoan izan dute. Azkenik, nabarmendu dute kasu erreza izanik zazpi urte atzeratu izanak akusatuak kaltetu dituela.

zabaldu | bildu

ukberri.net

Uribe Kostako gazte mugimenduak elkarretaratzea deitu du ostegun honetarako, irailak 10, Bilboko Buenos Aires kaleko Bizkaiko Lurraldeko Auzitegi aurrean. Ordua goizeko bederatzietan jarri dute. Izan ere, bihar bertan, hainbat neska-mutilen aurkako bi epaiketa izango dira. Batetik, Kepa Saratxaga, Urtzi Paul, Zigor Goikoetxea eta Endika Lejarzegi Algorta eta Getxoko gazteak epaituko dituzte Bilboko Zigor Arloko 6. zenbakiko epaitegian. 2002an Getxo udalerrian ospatutako Ibilaldian, Bizkaiko ikastolen aldeko jaian, txosna bat desmuntatzera joan zirenean erresistentzia egin eta kalteak eragitea leporatzen die lauei Ertzaintzak. Epaiketa apirilean egitekoa zen, baina atzeratu egin zen Endika Lejarzegi preso politikoa auzitegira eraman ez zutelako. Oraingo honetan, gaztea joan zen astean atera zuten Monterrosotik (Lugo, Galizia) Langraizera eramateko. Bestalde, 19 lagun (kazetariak barne) epaituko dituzte, orain urte bete Zaratamon AHTren obren aurka egindako ekintzagatik. Hasiera baten Ertzaintzak kasua Espainiako Auzitegi Nazionalera bidali zuen, Eusko Jaurlaritzako Herrizaingo Sailak AHTren aurkako ekintzak terrorismotzat jotzeko agindua jarraituz. Auzitegi Nazionala inhibitu egin zen eta orain falta epaiketa da, AHTren Aurkako Asanbladak zehaztu duenez. Argazkian, Bizkaiko Lurraldeko Auzitegia / Audiogela.

zabaldu | bildu