Manex Zubiaga (Algorta), Lexuri Gallastegi (Berango)

Manex eta Lexuriren etxekoek jakin dutenez Manex eta Lexuri Soto del Realeko espetxetik atera dituzte, itxura guztien arabera Frantziara eramateko. Oraingoz, ordea, ez dakite nora eraman edota nora eramango dituzte. Izan ere, Manexekin espetxean zegoen beste preso batek eta Irantzu Lexuriren ahizpak etxera deituta jakin dute horren berri, besterik gabe.

Manex eta Lexuri 1500 urteko espetxe zigorrera kondenatu zituzten joan zen astean.

Euskal presoak Euskal Herrira,
dagozkien eskubide guztien jabe!

ukberri.net

Manex Zubiaga (Algorta) Lexuri Gallastegi (Berango)

Espainiako Auzitegi Nazionalak 1.481 urteko espetxe zigorra jarri dio Manex Zubiaga algortarrari eta 1.476koa Lexuri Gallastegui berangoztarrari, 2001eko azaroaren 6an Madrilgo Corazon de Maria kalean lehergailua jarri izana leporatuta, Europa Press albiste agentziak zabaldu duenez. Juan Junquera Poliziako Unitate Zientifikoko idazkariordearen aurka atentatua egitea omen zen ETA erakunde armatuko talde horren helburua, 35 kilo lehergaiz betetako bonba autoa eztandaraziz. Atentatuan 94 lagun zauritu ziren. Madrid, Salamanca eta Toledoko hainbat etxebizitzetan egindako “miaketetan aurkitutakoan oinarrituta”, armak eta lehergailuak izatea, ibilgailuak lapurtzea eta erabiltzea, 95 hilketa saiakera, hilketarako konspirazio egitea, eta kalte handiak eta dokumentu-faltsutzea egiteagatik zigortu ditu Zubiaga eta Gallastegi Auzitegi Nazionaleko Penal arloko hirugarren aretoko Alfonso Guevara epaileak. Argazkian, presoen aldeko mobilizazioa Berangon.

Bi uribekostarrekin epaitu zuten Ainhoa Múgica Goñiri, berriz, 20 urteko espetxe zigorra ezarri dio Guevarak, dokumentu-faltsutzea egitea eta armak eta lehergailuak izatea egotzita, lehen aipatu komandoko arduraduna zelakoan. Ebazpenaren arabera, azken horrek ematen zizkien aginduak Zubiaga eta Gallastegiri. Baita gertaera berberengatik aurretik 1.000 urteko zigorra ezarritako Ana Belen Egues eta Aitor Garciari. Halaber, behin aske egonda, biktimengandik hurbil egon edota gertaerak izan ziren tokira joatea debekatu die hamar urtez algortarrari eta berangoztarrari epaileak. Erakunde terroristako kidetza edo partaidetza delitutik, ordea, absolbitu egin ditu Guevarak, dagoeneko horregatik zigortuak daudelako Frantzian. Hain zuzen ere, 2007ko maiatzean, Pariseko 14. sekzioko epaileek 10 urteko zigorra ezarri zieten biei. Beraiekin batera batera Xabier Abaunza (Gernika), Angel Lopez (Urtuella) eta Araitz Oiarzabal (Donostia) epaitu zituzten, hau da, 2002ko maiatzean Niort-en (Frantzia) batera atxilotu zituztenak. Horiei 14, 10 eta 7 urteko espetxe zigorra jarri zieten, hurrenez hurren. Epaiketarako espainiaratu ostean, egun Soto del Realgo (Madril) espetxean dituzte Zubiaga eta Gallastegi.

>> europa press: La Audiencia Nacional condena a penas de casi 1.500 años de cárcel a dos etarras que atentaron en Madrid en 2001

Datorren ostegunean, irailak 2, herri asanblada egingo da Berangon, amnistiaren aldeko mugimenduaren aurkako auziaren, atxiloketen eta espetxeratzeen inguruan hausnarketa egin eta aurrera begira jartzeko.

Plan polita arratsalde baterako. Animatu!

Martin Etxegarai (Berango)

Irailaren 27an Martinen urtebetetzea iznago da. Aukera ezinhobea gutun edo postalen bat idazteko.

Zorionak Martin, egunero erakusten diguzun adore eta duintasunagatik.

Helbidea:

Martin Etxegarai Mendiguren
Centro Penitenciario
50298 ZUERA -Zaragoza-

Zuerako espetxea Berangotik 347 kilometrotara dago.

Dagozkien eskubideen jabe
EUSKAL PRESOAK EUSKAL HERRIRA

Amnistiaren Aldeko Mugimenduko kide espetxeratuak

Josu Beaumont, auzipetu guztien izenean: Lectura crítica de la sentencia (españolez)

>> Josu Beaumont, elkarrizketa: “COMO NO HAN PODIDO PROBAR LA RELACIÓN CON ETA, AHORA DICEN QUE NUESTRO TRABAJO ES TERORRISTA” (audioa - español)

Entzun elkarrizketa

Julen Larrinaga, auzipetu guztien izenean: Sententziaren gaineko hausnarketa politikoa (euskaraz)

Julen Larrinaga, auzipetu guztien izenean: Reflexión política sobre la sentencia (españolez)

>> gara.net: Los procesados denuncian que “convierten en terrorismo la crítica política”
>> gara.net: «Aurpegia ematen jarraituko dugu, baita apurtu behar badigute ere»
>> berria.info: «Aurpegia emango dugu, txikitzen badigute ere»
>> berria.info: Estatuak espetxeetako «krudeltasuna» ezkutatu nahi duela dio Etxerat-ek
>> gara.net: Amnistiaren aldeko mugimenduaren auzia, Europako Jendarte Foroan hizpide

ukberri.net

Gaur iluntzean 65 lagun inguruk egin dute manifestazioa (argazkian) Berangon, Amnistiaren Aldeko Batzordeen (AAB) kontrako epaia salatu eta bertoko seme Jagoba Terrones eta zigortutako gainontzeko 20 herritarrei elkartasuna adierazteko. Berangoztarrari 8 urteko espetxe zigorra ezarri diote eta, epaia irmoa izan arte, baldintzapean aske utzi dute. Mitxel Sarasketa getxoztarra, berriz, libre geratu da kargurik gabe. Beraren aurkako akusazioa erretiratu egin zituen fiskalak epaiketa amaitzean. “Euskal Herriak askatasuna behar du!” pankarta eutsiz, biek parte hartu dute protestan. Hain zuzen ere, Espainiako Auzitegi Nazionalak 33/01eko auzipetu gehienak zigortu eta AAB eta Askatasuna legez kanpo utzi dituen arren, “orain inoiz baino gehiago”, euskal errepresaliatu politikoen alde lan egiten jarraitzera deitu dute Terronesek eta Sarasketak. Hartara, Berangon beharrean, bihar, “Salbuezpen egoerari stop” lelopean Algortan deitutako manifestazioan parte hartzera deitu dituzte bertan bildutakoak. Telletxe plazatik abiatuko da, 20:00etan. Argazkian, gaurko manifestazioa Berangoko batzoki ondotik igarotzen.

Atzokoa egun “gogorra eta luzea” izan zela aitortu die Berangoko Gudarien plazan bildutakoei Jagoba Terronesek, manifestazioa hasi baino lehen. “Ez genekien zer gertatuko zen, ezta sententzia osoa irakurriko zuten ere. Azkenean, bakoitzari jarritakoa leidu eta banan-banan hartu gintuzten nor bere egoeraren berri emateko”, adierazi duenez. Izan ere, zigortutako 21 lagunetatik 15 berehala espetxeratzeko eskatu zuen Auzitegi Nazionaleko fiskala Javier Zaragozak. Gauzak horrela, 10 urteko espetxea jarritako Juan Mari Olano, Julen Zelarain eta Aitor Jugo atzo bertan preso hartzea erabaki zuen Teresa Palacios epaileak. 8 urtera zigortuekin, berriz, bereizketa egin zuen magistratuak. Horietatik 10 berehala espetxeratzeko (aurkeztu ez eta atxilotua izateko agindua duen Iñaki Reta horien artean) agindu zuen eta beste 8, Terrones tartean, baldintzapean aske utzi epaia irmoa izan arte, aurretik horiek 4 urteko behin-behineko espetxealdia eginda zutela kontutan hartuta.

Bihar, Algortan

Hala ere, 12 lagunen espetxeraketa (Iñaki Reta bilatu eta atxilotze agindua dauka) bezain “larritzat” jo du Terronesek, Auzitegi Nazionalak AAB eta Askatasuna legez kanpo utzi izana. “Euskal errepresaliatu politikoen egoera kalean salatzea eragotzi nahi dute. Gure esku dago 12 kide horiei ezezik, preso eta iheslari guztiei ere babesa ematea. Jarrerarik onena erantzuten jarraitzea da, dudarik gabe”, adierazi du berangoztarrak. Hartara, bihar Algortan elkartzera dei egin dute bertan. Besteak beste, Anjel Figueroa preso gaixoaren osasun egoera larria dela, Paul Asensio gose greban 19 egun (bihar) daramatzala eta salbuezpen egoera (33/01 auzia eta Eusko Abertzale Ekintza eta EHAK legez kanpo utzi izana, besteak beste) salatzea izango du helburu protestak.

Sententzia “kaskarra”

Bien bitartean, sententzia “era kaskarren eginda” dagoela salatu du Mitxel Sarasketak. “Poliziak esaten zituenak ‘kopiatu eta itsatsi’ baino ez dituzte egin. ‘Dena ETA da’ baieztapena da akusazioen oinarria; ezker abertzalearekin nolabaiteko zerikusirik izan dezakeen talde oro ETAren zatitzat jotzen dute”, getxoztarrak azaldu duenez. Bere iritziz, “Amnistiaren Aldeko Mugimenduko kide izateagatik baino ez” dituzte zigortu 21 lagun horiek, “ez gahiago, ez gutxiago”. “Ez dira gehiago saiatu”, gaineratu du. Baita Olano kondenatzeko “prentsa dossierrak baino ez” dituztela erabili kritikatu ere. Bestalde, sententziak 200 folio baino gehiago zituen arren, “kazetariei zer esan behar zuten zehatz mehatz jartzen zuen 4 orriko laburpena baino ez zieten eman”, Sarasketaren arabera.

ukberri.net

Jagoba Terrones eta Berangotik Espainiako Auzitegi Nazionaleko Madrilgo Casa de Campoko egoitzara hurbildutako lagunak bueltan zirela, 35 lagun elkartu ziren Gudarien plazan (argazkian), Amnistiaren Aldeko Batzordeen (AAB) kontrako epaia salatu eta Terrones berari eta zigortutako gainontzeko 20 herritarrei elkartasuna adierazteko. Berangoztarrari 8 urteko espetxe zigorra ezarri diote eta, epaia irmoa izan arte, baldintzapean aske utzi dute. Mitxel Sarasketa getxoztarra, berriz, libre geratu da kargurik gabe. Beraren aurkako akusazioa erretiratu egin zituen fiskalak epaiketa amaitzean. Dena dela, 120 bat algortarrek ere 33/01eko auzipetuei keinu egin zieten, Telletxe plazan egindako kontzentrazioan. Bestalde, Leioan (65 lagun), Itzubaltzeta / Romon (50 lagun) eta Urdulizen (8 lagun) ere mobilizazioak egin zituzten. Azkenik, Sopelako kaleetan zehar egindako kotxe karabanan 15 ibilgailuk baino gehiagok parte hartu zuten. Gaur ere kontzentrazioa egingo dute Berangon, 20:00etan. Bien bitartean, Erandion 14 lagun elkartu ziren astelehenean, Jon Bilbao Mororen askatasuna aldarrikatzeko. Atzoko argazki gehiago hemen ikus daitezke.

33/01 auziaren sententziari aurre egiteko mobilizazioen egitaraua:

Irailak 19, ostirala

- 20:00etan, Algortan, manifestazioa.
- 20:00etan, Leioan, kontzentrazioa.

>> eitb24.com:

Amnistiaren Aldeko Mugimenduko kideak izanik terroristak direla leporatu eta 174 urteko espetxe zigorra sartu dizkiete gaur Espainiako Auzitegi Nazionalean 33/01 auziko sententzia irakurtzeko saioan. Hamahiru lagun zuzenean espetxeratu dituzte.

Jagoba Terronesi (Berango) 8 urteko zigorra ezarri diote, eta baldintzapean bueltatu da etxera.

>> mobilizazioak Uribe Kostan:

Irailak 18, osteguna
- 20:00etan, Berangon, kontzentrazioa.

Irailak 19, ostirala
- 20:00etan, Berangon, manifestazioa.
- 20:00etan, Itzubaltzeta / Romon, manifestazioa.
- 20:00etan, Leioan, kontzentrazioa.
- 20:00etan, Algortan, manifestazioa

>> 33/01 sententzia: hemen

Julen Larrinaga: lehen adierazpenak Espainiako Auzitegiko atarian 33/01 auziko sententzia jakin ondoren (euskaraz)

Julen Larrinaga: primeras impresiones a la puerta de la Audiencia Nacional española, tras conocer la sentencia 33/01 (español)

Julen Larrinaga: Eta hemendik aurrera zer?

>> gara.net: La Audiencia Nacional envía a prisión a 11 de los 21 condenados
>> gara.net: Condenados por defender los derechos de los represaliados vascos
>> gara.net: Los «peritos» fijan el delito y los jueces ponen la pena
>> gara.net: La AN condena a 200 años de cárcel a 21 militantes por sacar a la luz la represión
>> gara.net: Zigorrak zigor, elkartasuna eta salaketa kalean izan ziren
>> berria.info: 8 eta 10 urteko kartzela zigorrak Amnistiaren Aldeko Mugimenduko 21 kiderentzat
>> berria.info: Epaimahaiak bedeinkapena eman die polizia txostenei
>> berria.info: AAMn jarduteagatik 21 lagun zigortu ditu Auzitegi Nazionalak
>> askatu.org: Amnistiaren Aldeko Mugimenduko kideak gogor zigortu dituzte entzutegi nazionalean
>> el correo español: bideoa
>> eitb24.com:

AMNISTIAREN ALDEKO MUGIMENDUAREN LEHEN BALORAZIOA EPAIAREN HARIRA:

Epaiketa hasi baino lehen esan genuen epaia idatzita zegoela. Hilabete guzti hauetan ikusi dugun zirkoa epai politiko bati apaindu juridikoa emateko saiakera baino ez da izan.

Errepresioak gogor jo du gure herria azken urteotan. Errepresioak min asko eman digu. Torturatuak izan diren 7000 euskal herritarrak, ehundaka espetxeratuak, ihesean joan direnak, bisitetara bidean bizia eman duten senideak, GALek edo gerra zikinak bahitu eta hil dituen euskal militanteak, poliziaren kargetan hil direnak… Guzti hauengana joan zaigu gaurkoan oroimena, guzti hauen memoria gogora ekarri nahi dugu egun honetan.

Elkartasuna balore indartsua da, eta Amnistiaren Aldeko Mugimenduaren izaera balore honen gainean eraikitzen da. Errepresioa jasan duenak beti izan du elkartasuna herri honetan, eta ozen adierazi nahi dugu zigorrak zigor aurrerantzean ere elkartasuna lantzen eta eskaintzen jarraituko dugula. Eguneroko lan xumeari loturik jarraituko dugu Amnistiaren Aldeko Mugimendua osatzen dugun milaka herritarrok. Espetxeak bete ditzakete euskal preso politikoz, baina elkartasuna urratsez urrats espetxe guzti horietara iritsiko da, maite ditugun horiengana guztiengana.

Estatuen jazarpen eta inpunitatea salatzen jarraituko dugu. Estatuak bere bide errepresiboetan urrun iristeko prest dagoela erakutsi digu. Inongo lotsarik gabe kendu dute mozorro demokratikoa, oinarrizko eskubideak ukatuz, alderdi eta herri mugimenduak ilegalizatuz, herritarrak bahituz eta torturatuz. Errepresio une basati honetan informazio eta salaketa lanak berebiziko garrantzia hartzen du, eta honi loturik jarraituko du Amnistiaren Aldeko Mugimenduak atzo bezala gaur eta bihar.

Ohore bat izan da guretzat gaur zigortuak izan diren lagunekin lan egitea urte guzti hauetan. Une hauetan Amnistiaren Aldeko Mugimendutik besarkadarik sentikorrena helarazi nahi diegu entzutegi nazionalean aurkitzen diren gure lagun eta kideei. Zuen apaltasuna, konpromisoa eta zintzotasuna eredu izango ditugu aurrerantzean ere gure eguneroko jardunean.

Amaitzeko gaur arrattsaldean eta datozen egunetan Euskal Herriko hainbat herritan burutuko diren mobilizazioetan parte hartzeko deia luzatzen dugu.

Amnistiaren Aldeko Mugimenduaren kontrako 33/01 sumarioko auzipetuek hilaren 17an sententzia jasotzera Espainiako Auzitegi Nazionalera joan joango direla azaldu dute eta horren zentzua adierazi dute prentsa aurrean egindako agerraldian.

Irailaren 17an, asteazkena, herri guztietan mobilizazioak egitera deitu du Amnistiaren Aldeko Mugimenduak

Joan Mari Olano, euskaraz

Julen Larrinaga, espainolez

>> gara.net: Epaiarekin “errepresioaren aurpegi guztiei txeke txuria” eman nahi diotela salatu dute auzipetuek

Asteazkenean amnistiaren aldeko mugimenduaren aurkako auziaren epaia emango dutela-eta, auzipetuek salatu dute epaiarekin “txeke txuria” eman nahi diotela “Euskal Herriaren aurkako errepresio estrategia osoari”. Amnistiaren aldeko mugimenduak mobilizazioak deitu ditu etzirako, herri guztietan.

Amnistiaren aldeko mugimenduaren aurkako auzian epaitu zituzten hamalau euskala herritarrek –guztira 24 auzipetu zituzten azkenean– agerraldia eskaini dute gaur Donostian, etzi Auzitegi espainolak deitu dituela-eta.

Zitazioan zehaztu ez dieten arren, epaiaren berri emango dutela aurreikusten da, eta epaiketan egin zuten bezala, asteazkenean ere Madrilen izango direla jakinarazi dute, “beti eman dutelako aurpegia”. Nolanahi ere, sententzia “instantzia politikoetan dagoeneko erabakita” dagoela uste dute”.

Juan Mari Olanok eta Julen Larrinagak hitz egin dute guztien izenean eta salatu dute amnistiaren aldeko mugimenduaren “jazarpen eta debekua legeztatu” egin nahi dutela epaiaren bidez.

“Legeztatu eta txeke txuria eman era berean Euskal Herriaren kontrako errepresio estrategia osoari, torturari, guda zikinari, askatasun eta eskubide demokratiko oinarrizkoen zanpaketari, espetxe politika kriminal eta hiltzaileari eta espetxeratze masiboei”, esan dute.

Azken batean, “errepresioak dituen aurpegi guztiak garatu ahal izateko txeke txuria” ematea eta “herri salaketa erabat kriminalizatzea” da helburua, auzipetuen ustez.

Bereziki “larritzat” jo dute ez “soilik mudimendu honen kriminalizazioa lege bilakatuko dutela”; are gehiago, horren atzean preso eta errepresaliatuekiko elkartasuna, errepresio eta eskubide urraketen salaketa eta “askatasun demokratikoen defentsaren kriminalizaizo eta debekua” dagoela uste dute, azken finean, “lan politiko eta sozial honen legez kanporatzea”.

Auzipetuen iritziz, PSOEren Gobernuak epaiarekin zera bilatzen du: “Euskal Herriari begira abian duen ziklo errepresiboak bidea garbi eta eskuak libre izatea”.

Elkartasuna ez da desagertuko

Sententzia “ilegalizazio politikaren bultzadaz burutzen ari diren erasoaldiaren baitan” kokatu dute, Euskal Herria “salbuespen egoerara” eramateko. Adibide gisa aipatu dute duela bederatzi urte edozein sektore politikok hautagaitzak aurkez zitzakeela hauteskundeetan, eta orain ez; “duela zazpi urte mobilizazioak egin zitezkeen, orain ez”; “duela hiru urte preso bat kartzelan sartu eta bazekien noiz irtengo zen, orain ez”, eta “herri honentzat irtenbide demokratikoak bilatzetik ez baizik eta ukatzera” pasa da.

Horrek guztiak Estatu espainolaren “izaera ez demokratikoa” agerian uzten duela nabarmendu dute, Euskal Herriaren auziari eta gatazka politikoari dagokionean.

Nolanahi ere, Auzitegi espainolaren epaiak errepresaliatuekiko elkartasuna ez duela desagerraraziko ziurtatu dute auzipetuek.

Mobilizazioak

Amnistiaren aldeko mugimenduak mobilizazioak deitu ditu herri guztietan asteazkenerako, sententziari erantzuteko.

>> berria.info: Presoekiko elkartasuna ezingo dutela eten ohartarazi dute AAMko epaituek
>> gara.net: Para los acusados, el fallo supondrá «un cheque en blanco» a la represión

Euskal Herria salbuespen egoeran!

Asier Seian Erromoko gaztea atxilotu eta Uribe Kostako beste lagun bat zauritu dituzte Ertzainek Donostian presoen eskubideen aurkako manifestazioan. Atxilotuak Antiguako komisaldegian daude eta Ertzaintzak adierazi duenez posible da gaur bertan aske uztea.

Orain arteko balantzean gutxienez 5 pertsona atxilotu eta zauritu ugari eragin ditu ertzaintzak Donostiako manifestazioan.

Gogor oldartu da ertzaintza eguerdian Donostian bildutako lagunen aurka.

Pertsona bat Donostiako ospitalera eraman behar izan dute eta beste bi artatu behar izan dituzte zauri ezberdinegatik. Enfrentamenduak arratsaldeko ordu biak aldera hasi dira Sarriegi plazan.

Bost lagun atxilotu dituzte. Bat Donostiako ospitalera eraman behar izan dute eta beste bi artatu behar izan dituzte “pilotakadek” sortutako zauriengatik.

Arratsaldeko ordu biak aldera karga egin du Ertzaintzak presoen eskubideen aldeko manifestazioaren aurka Donostian.

Arratsaldeko ordu biak aldera ehunka lagun Boulevardeko oinezkoentzako aldean ibiltzen hasi dira, antolatzaileek hasiera batean iragarritako kontrako noranzkoan. Bertan ziren 100 bat ertzain martxaren hasiera ekiditeko.

Ertzainek kargatu ondoren Donostiako alde zaharretik sakabanatu dira manifestariak eta liskarrak hasi dira. Protestan parte hartu dutenek “presoak kalera” edo “EAJ espainol” oihukatzen zuten besteren artean.

>> argazki gehiago: el correo español
>> bideoa (euskaltube.com): Salbuespen egoera manifa Donostian
>> bideoa (el mundo): hemen
>> bideoa (eitb24.com):

>> askatu.org: Milaka lagun Donostian euskal preso politikoen eskubideen defentsan
>> gara.net: La solidaridad con los presos desbordó el cordón policial

Zaurituak eta atxilotuak eragin dituzte ertzaintzak buruturiko karga bortitzek. Ertzain batek pistola atera eta airera hainbat tiro bota ditu konstituzio plazan.

Informazioa

Gaur Donostian Amnistiaren Aldeko Mugimenduak deitu duen manifestazioaren aurka ertzaintzak burutu duen kargaren ondoren ertzaintzak gutxienez lau lagun atxilotu ditu, hauetako bat Haritz Orueta Donostiako Egia auzokoa da eta bestea Asier Seian Erromokoa. Une honetan atxilotuak Antiguoko komisaldegian aurkitzen dira eta Ertzaintzak adierazi duenez posible da gaur bertan aske uztea.

Amnistiaren Aldeko Mugimenduak jakin duenez manifestazio behin deseginda alde zaharreko kaleetan ertzainek gutxienez 9 herritar bortizki jipoitu dituzte, hauetako bati klabikula hautsi diotelarik, kolpeka eta ostikoka. Bestetik konstituzio plazan kalez jantzita zioan ertzain batek bere pistola atera du eta airera gutxienez 8 tiro bota ditu, ondoren ertzaintzako beltzak ibili dira kaskiloak jasotzen. Honez gain gomazko pilotaz zauritu bat baino gehiago eragin dute, hauetako bat pilotak zuzenean buruan jo du eta belarritik odola zeriola eraman dute anbulantzian ospitalera.

Salaketa:

Amnistiaren Aldeko Mugimenduak gogor salatu nahi du beste behin ere ertzaintzak erabili duen bortizkeria euskal preso politikoen oinarrizko eskubideak aldarrikatzen zituen manifestazio honen aurka. Herritarrak gorrotoz nola jipoitu dituzten ikusi dugu, nola atxilotu dituzten, nola beldurtu dituzten. Manifestazio eskubidearen aurkako eraso argia izan da gaur Donostian ikusi duguna.

Euskal preso politikoei apaindutako heriotza zigorra ezarri nahi die espainiar gobernuak eta ugari gara egoera krudel honen aurrean isilik gelditzeko prest ez gaudenak. PNV eta eusko jaurlaritza osatzen duten alderdiak egoera honen aurrean itsu, mutu eta gor egoteaz gainera, egoera hau salatu nahi duten herritarrak nola jotzen dituzten ikusteak benetako lotsa ematen digu.

Ibarretxe jauna, milaka herritarren aurka ertzaintzak burutu duen karga bortitz hau babesten al duzu? Presoen eskubideen aldeko aldarriak bortxaz erasotzeak ez al ditu hainbat herritarren eskubideak zangopilatzen? Ez al dugu euskal herritarrok eskubiderik kalean euskal preso politikoen aldarrikapenak egiteko?

Biltzea eta manifestatzea oinarrizko eskubide demokratikoak dira, baina oraindik orain PNV-ren erabaki politikoz milaka gara eskubide demokratiko hau ukatua ikusten dugunak astea joan eta astea etorri. Datorren asteazkenean Amnistiaren Aldeko Mugimenduaren aurkako epaia emango dute Madrilen, baina PNV-k ez du epai honen beharrik presoen eskubideen aldeko ekimenak erasotzeko, Rubalcabak eta Zapaterok ezarri duten salbuespen egoerari ezinbesteko ekarpenak eginez.
Gaur Bulebarrean milaka lagun bidlu gara gaixotasun larriak dituzten presoen askatasuna eskatuz eta gogor salatu nahi dugu hainbat komunikabidek nola ezkutatu duten Donostian bildu den jendetza.

Besterik gabe, euskal preso politiko bat espetxean dagoen bitartean kalean preso politikoen eskubideak aldarrikatzen jarraituko dugula adierazi nahi dugu.

ASKI DA!
EUSKAL HERRIAK ASKATASUNA BEHAR DU!
EUSKAL PRESOAK EUSKAL HERRIRA, DAGOZKIEN ESKUBIDEEN JABE!

Auzipetuen artean Jagoba Terrones (Berango/Algorta) dago. Fiskalak 10 urte eskatu ditu berarentzat.

Jagobak gaur goizean jaso du zitazioa, 2008ko irailaren 17an, “Casa del Campo”ko Espainiako Auzitegira joan dadin, epaia irakurri eta ebazpena jasotzeko.

Mitxel Sarasketa (Getxo), Jordi Arredondo (Bilbo) eta Maitane Mendez-ek (Durango) ere zitazioa jaso dute eta Madrilera joan beharko dute, fiskalak euren kontrako akusazioa erretiratu bazuen ere.

berria.info

Asteazken goizerako deitu dituzte Espainiako Auzitegi Nazionalaren Casa de Campoko egoitzara

Amnistiaren Aldeko Mugimenduaren (AAM) kontrako auzian epaitu zituzten 24 lagunak Espainiako Auzitegi Nazionalera deitu dituzte datorren asteazkenerako. 27 lagun epaitu zituzten, eta fiskalak eta akusazio partikularrak erretiratu egin zituen haietako hiruren kontrako akusazioak. Gainerako 24 lagunak hilaren 17an Auzitegi Nazionalak Madrilgo Casa de Campon duen egoitzara joateko zitazioak jasotzen ari dira.

Zitazioetan ez du jartzen auzitegiak zertarako deitzen dituen, baina, itxura guztien arabera, beren kontrako epaiaren berri emateko izango da.

Amnistiaren Aldeko Batzordeetako, Askatasuneko, Behatokiko eta Senideetako kideak epaitu dituzte AAMren kontrako auzian, eta 10 urtetik 13ra bitarteko espetxe zigorrak eskatzen ditu fiskalak haientzat. 13 urteko zigor eskaera egin zuen Aitor Jugorentzat, Juan Mari Olanorentzat zein Julen Zelarainentzat. Hamarna urtekoa Gotzon Amarorentzat, Gari Arriagarentzat, Alex Beaskoarentzat, Jon Imanol Beaskoarentzat, Josu Beaumontentzat, Maite Diaz de Herediarentzat, Aratza Estonbarentzat, Ainhoa Irastortzarentzat, Julen Larrinagarentzat, Maite Mendezentzat, Txema Olabarrietarentzat, Jagoba Terronesentzat, Jorge Txokarrorentzat, Iker Zubiarentzat, Gorka Zulaikarentzat, Xabin Juaristirentzat, Iñaki Retarentzat, Asier Virumbralesentzat, Julen Arzuagarentzat, Iñaki Loizagarentzat, Juan Antonio Madariagarentzat eta Ixone Urzelairentzat.

«Erakunde armatuko kide»

AAMko buru izanda, «erakunde armatuko buru» izatea egotzi die Olanori, Jugori eta Zelaraini Carlos Bautista fiskalak, eta AAMko kide izanda «erakunde armatuko kide» izatea gainerako hamar lagunei.

Apirilaren 21ean abiatu zuten epaiketa eta ekainaren 18an amaitu. Akusatuek aurrenengo egunean onartu zuten beraiek AAMko kide zirela. Kasu askotan harro daudela gaineratu zuten. Horixe izan zen fiskaltzak epaiketan frogatu ahal izan zuen gauza bakarra, eta nahikoa iruditu zitzaion kartzela zigorra eskatzeko.

Errepresioa dagoen bitartean AAM ere egon egingo dela ohartarazi zioten auzipetuek Auzitegi Nazionaleko tribunalari.

>> etengabe: 33/01 kategoria
>> wikipedia: 33/01 auzia