LAB sindikatuko 45 ordezkari bildu ziren atzo Leioako Boulevardean NON DAGO JON? lelopean.

LAB sindikatuak hileko lehenengo ostiraletan Euskal Presoen Euskal Herriratzearen aldeko konzentrazioak egiten ditu aspalditik hona, hilero lekua aldatuz. Azken boladan, euskal presoen aldeko aldarrikapenarekin batera, NON DAGO JON? leloaren inguruan biltzen dira konzentrazioetan.

LABen eskualdeka daude antolatuta, eta egitura horretan Uribe Kosta, Txorierri eta Uribe Butroik osatzen dute hemengo ESKUMALDEA. Hileko lehenengo ostiraletan Euskal presoak Euskal Herriratzearen aldeko konzentrazioa egiten dute sindikatuko delegatuekin, hilero lekua aldatuz.

Rubalcaba, non dago Jon??
Euskal presoak Euskal Herrira! Euskal presoak lantokietara!

zabaldu | bildu

2009ko azaroaren 13an 742 lagunek osatzen dute Euskal Preso Politikoen Kolektiboa. Hauetatik hamaika daude Euskal Herrian, 167 frantziar estatuko espetxeetan sakabanatuak eta 565 espainiar estatuko gainerako espetxeetan sakabanatuak. Bost dira etxean preso dituztenak.

>> 2009.11.03: presoen zerrenda osoa.pdf
>> wikipedia: EPPK

zabaldu | bildu

Algortako presoen azken urtebetetzeetako jaia egingo da bihar, azaroak 13, 20:30etatik aurrera, 20:00tan ostiral guztietan egiten den ohiko elkarretaratzearen ondoren.

Musika, giroa… eta sorpresak!

Idatzi egiezu!!

zabaldu | bildu

Jon Bilbao Moro (Erandio), Jagoba Terrones (Berango), Borja Gutierrez Elordui (Berango)

Jon Bilbao Astrabuduako preso politikoaren urtebetetzea bihar, osteguna, izango da, azaroaren 5ean.

Jagoba Terrones Berangoko preso politikoaren urtebetetzea ere bihar, osteguna, izango da, azaroaren 5ean.

Borja Gutierrez Berangoko preso politikoaren urtebetetzea, datorren larunbatean izango da, azaroaren 7an.

Aukera ona ere bada, postal, gutun edo zerbait bidaltzeko, urteak egiteaz batera bere konpromisoan eredugarri ditugun euskal gudari hauei zorionak eta eskerrak eman eta gure elkartasuna adierazteko.

Gogoratu behar dugu Jon Bilbao Morok urtarrilean 28 urte egingo dituela espetxean, hau da, 1982tik hona epetxean preso dutela Espainiako agintariek.

Zorionak Jon, Jagoba eta Borja, eta eskerrik asko erakusten duzuen adore eta kemen horregatik!

Helbideak:

Jon Bilbao Moro
C.P.Fontcalent
Ap. 5050
03.113 ALACANT

Jagoba Terrones Arrate
CENTRO PENITENCIARIO CASTELLÓN II
12140 Albocasser (Castellón)

Borja Gutierrez Elordui
289 244 bloc A
Maison d´arrêt
42, rue de la Santé
75.674 Paris Cédex
FRANTZIA

Jon, Jagoba eta Borja askatu!

zabaldu | bildu

ukberri.net

Lander Labajo Indabadarekin batera kaleratuko zuteneko albisteak eta, urteurrenetan gertatzen ohi denez, beterano eta nostalgikoen gogorapenek markatu dute aurtengo Indabada. Baina, larunbatean ospatu zen Algortako X. Indabada Mundialak aipatutakoak zein 500dik gora gazte batzea baino kontu garrantzitsuagoak izan ditu. Izan ere, Idoia Landaburu Brell Jarraiko militante algortarra zena 18 urterekin hil zenetik 10. urtemuga beteko da datorren ostegunean, hilak 5. Urteurrena gertu izanda senideengandik hurbil egon nahi izan zuten antolatzaileek. Hortaz, ehunaka gazteren aurrean, Idoia Jarraiko kidea omendu (mp3) eta etxekoei oroigarriak eman zizkieten. Bestalde, ohiko giro ona eta hainbat urteotan Koska irratiak egin ohi duen irratsaio berezia bezala, aurten ere udaltzainak eta identifikazioak izan ziren babajana handian. Argazkian, Idoiaren etxekoak oroigarriarekin.

Aurten, nobedadea, Bihotz Alain burutuko zuten festarako baimena eskatuta ez zeukatela gazteei gogoratzeko asmoz, Txorimalo gaztetxeraino hurbildu ziren tokiko poliziak. “Arazoak ekiditeko norbait identifikatu behar zela, funtsean”, Txorimaloko kideek adierazi dutenez. Baina hori ez zen izan Indabadaren identifikazio bakarra. Larunbat goizean, plazan jarritako propaganda miatu zuten udaltzainek eta “Herriak du indarra” lelopeko graffitia margotzen ari zirenei datuak hartu eta “jabego pribatuari kalteak egin izanaz” salatzeko. Bitartean, ertzainak plazaz kanpo itxaroten izan ziren.

zabaldu | bildu

ukberri.net

Andoni Muñoz de Vivar Berrio Urdulizko euskal preso politikoak herritik kanpo 15 urte egin dituela gogoratu dute azken egunotan dozenaka auzokidek. Etxeratek eta Iretargi kultur elkarteak antolatutako ekimenetan herri giroa izan da nagusi, antzinako gogorapenak eta amorrua ere ez direla falta izan. Horrela, ostegunean “15 urte Urduliztik kanpo” hitzaldi eta bideo-forumera 40 lagun hurbildu ziren. Bertan, Muñozek zein 1994an ihes egiteari ekin zioten Gorka Martinezek eta Iñaki Bilbaok pairatutako sakabanaketaren berri eman zuten. Ostiralean, berriz, hileko azken ostiraleko elkarretaratzea berriro egiteari ekin zioten, 16 lagun bildu zirela. Baina, herrikideen omenez, ospakizunak ere egin zituzten, eta horrela, 61 pertsona bildu ziren larunbatean herri bazkarian, aurretik triki poteoa eta ondoren antzerkiaz gozatu zutenak. Iluntzean ere, Auskalo Non taldearen erromeriarekin dantza egiteko aukera izan zuten.

Muñozek 43 urte ditu eta urriaren 25ean Ertzaintzak atxilotu zueneko 15. urtemuga bete zen. Orduan, Areetako Bizkaiko Zubiko plazan harrapatu zuten, Itzubaltzeta / Romoko Iñaki Gonzalo Casal “Kitxu”, Algortako Iñigo Otazua Urresti “Oti” eta Angel Figueroa Fernandezekin batera. Gauzak horrela, Kitxu eta Oti preso sartu zituztenetik 15 urte ere bete dira. Anjel Figueroa algortarraren egoera ere ez da oso ezberdina. Azaroaren 12an Langraizko espetxetik atera eta etxera ekarri zutenetik kalean baina oraindik ere “preso” daukatela salatu du hainbatetan Amnistiaren Aldeko Mugimenduak. Gaixotasun larria du algortarrak eta kontrol neurri oso zorrotzak ezarri dizkiote. Kartzelan ezarritako hainbat baldintza jarri dizkiote.

Ekintzarik ez

Ekintzarik burutu ez zuen Lanbroa komandoko kideak izatea leporatu zieten lauei, Andoni Muñozi 30 urteko zigorra ezarriz. Handik aurrera, urduliztarrak Carabanchel, Alcala-Meco, El Dueso, Basauri eta Langraiz espetxeak ezagutu ditu, haietako batzuk hainbat bider, gainera. Azken zortzi urteotan Araban izan da. Tartean, atxilotu eta sei hilabetera, udal hauteskundeetara aurkeztu zen, Urdulizko Herri Batasunaren bigarren zerrenda kide gisa. Zinegotzi aukeratu zuten.

zabaldu | bildu

ukberri.net/bl

Ostegun honetarako, azaroak 5, Egunkaria auziari buruzko hitzaldia antolatu du Sopelako Meñakoz Euskal Kultur Erakundeak. Iñaki Uria auziperatua hurbilduko da bertara eta, hitzaldia emateaz gain, bideo bat ekarriko du. Ekitaldia 19:30etik aurrera izango da, Kurtzio kultur etxe berrian (Mendieta kalean, Balearen parkearen ondoan). Gauzak horrela, herritar guztiak gonbidatu ditu bertan batzera Meñakoz kultur elkarteak. Antolatzaileen hitzetan, “Egunkaria auziarekin gertatzen ari diren zentzugabekeria guztiak ezagutzeaz gain, auzipetuei elkartasuna adierazteko modu bat izango da”.

Bitartean, azaroan bertan omen da hastekoa “Euskaldunon Egunkaria”-ren itxierari buruzko epaiketa, eta herrietan Egunkaria-ren aldeko taldeak sortzen hasi dira jada. Xabier Oleaga Erandioko semea, Martxelo Otamendi, Iñaki Uria, Txema Auzmendi eta Joan Mari Torrealdai epaituko dituzte auzi honen barruan. AVTk 14na urteko zigorra eskatzen du bost akusatuentzat.

Hilaren 11rako, asteazkena, Bizarra Lepoan Getxo udalerriko euskara elkarteak antolatu du hitzaldia, bertan Martxelo Otamendi izango dela. Ekitaldia 19:30etik aurrera izango da, Algortako Aldai Patronatuan. Ekitaldira joaterik ez duenak Tas Tas irratiak Otamendiri egindako elkarrizketa (mp3) hemen du eskuragai

“Euskaldunon Egunkaria”-ren epaiketari begira prestatzen ari diren herri batzordeei buruzko bideoa, “Berria” TeleBistak ekoiztutakoa:

zabaldu | bildu

Harrera ekitaldiko argazkiak hemen

Harrera beroa.mp3 ((ukberri.net))

Argazki gehiago ((ukberri.net))

Harrera jendetsua egin zioten Lander Labajori Algortan, Aranjuezeko espetxetik irten eta herrira iritsi zenean.

Lander arratsaldeko 17:30ak inguruan kaleratu zen Aranjuezeko espetxetik, bere etxekoek goizean 10.000 euroko bermea jarri ostean. Etxekoekin eta lagunekin batera Algortako bidea hartu zuen. Herrira 22:30etan edo iritsi zenean 600 lagun inguru zituen zain harrera beroa egiteko. Izan ere, bertan ziren, zain zituenen artean, Indabadan parte hartutako gazte piloa, zapi gorria lepoan jarrita. Bertan ziren Landerrekin batera lanean ibilitako jende ugari. Bertan ziren Landerrekin espetxean izandako kide asko. Bertan ziren Errerre txarangakoak, giroa animatzen… Eta holakoetan askotan gertatu ohi denez polizia kamuflatu bat ere bazen jendearen artean. Hura identifikatu eta alde egiteko konbidatu zuten. Hasiera batean bazter batera jo eta telefonoa markatzen hasi zen. Alde egitea hobe zuela esan zioten, Telletxe aldera jo zuen orduan, bertan beste bi pertsonekin bildu, auto batean sartu eta alde egin zuten.

Guztiarekin ere, benetan harrera beroa izan zen, hunkigarria eta indartsua era berean. Lander iritsi orduko lagunak inguratu, besarkadak hasi eta maitasun eta indar ikaragarria transmititu zien Landerrek berarekin bat egin nahi izan zuten guztiei. Hainbeste jenderen artean, agurrak, besarkadak eta presoen aldeko oihuen artean, pixkanaka, harrera ekitaldiari hasiera eman zitzaion: ohorezko aurreskuaren ostean indabadaren zapia jarri zion gazte batek eta berarekin preso izandako baten amak loreak eskaini zizkion. Orduan bertsolarien txanda izan zen: zortzi bertsolarik bertso bana kantatu zioten. Kukutxako gaztetxekoak bertara agertu eta zurezko ukabila oparitu zioten; Andra Mariko auzokideen elkarteko kideek Landerrek egindako lana goraipatu zuten eta opari bat egin zioten; Txorimalo gaztetxekoek Landerrek gaztetxean izandako eragina gogoratu zuten; Amnistiaren Aldeko Mugimendukoek aipatu zuten geuskaldunak izan, libre bizeko eta justizia sozialaren alde jarduteak gure bizitzari zentzua ematen diola, baina askotan ondorio gogorrak ere izaten dituela, eta zentzu horretan elkartasunaren garrantzia azpimarratu eta egun pozgarria izanda ere oraindik kartzelan diren herritar guztiak gogora ekarri eta guztiak kaleratu arte borrokan jarraituko dutela agindu zuten. Orduan, Lander Labajoren txanda iritsi zen. Oso hunkituta, holako harrerarik ez zuela espero esan zuen, eta eskerrak eman zizkien bertan zeuden guztiei. Antolatu beharra azpimarratu zuen, erakunde politiko, sozial, kultural eta bestetan, herria egin geuk egiten dugulako, ez besterik. Indarra, daukagun indarra bertan begi bistan zegoela. Borroka antikapitalista eta antisistema aldarrikatu zuen, herri-borroka. Eta herriko presoak gogora ekarri zituen azkenean, denak kalean behar ditugula esateko, oso hitzaldi indartsu eta hunkigarrian, behin eta berriro etenda bertan zeudenen txaloez eta oihuez. Presoei zuzendutako “maite zaituztet” oihuarekin amaitu zituen bere hitzak. Eusko Gudariak guztien artean abestu, Errerre elektro-txarangakoek kanta batzuk eskaini zizkioten, agur eta besarkada gehiagoren ostean tabernako argazkia kendu eta amorru biziaz apurtu egin zuen, zeremoniari amaiera eman eta kaleko bizitza egoera berrian bertan zeuden lagunekin batera gauari bidea egiteko.

Ongi etorri, Lander!
Preso guztiak kalera!

zabaldu | bildu

koskairratia.com

zabaldu | bildu

Gaur omenaldi beroa egin dio Bisi Unanueri Algortako Ezker Abertzaleak Telletxe plazan.

Omenaldia 20:30etan hasi da, azken ostiraleko ekitaldiaren barruan. Bertan bildutako 300 lagunen artean, errepresioa politikoa eta gerra zikina parekatu ostean, txalapartak sarrera eman dio Bisi Unanue zenaren omenaldiari. Ezker Abertzalearen erakunde guztiek krabelin bana jarri dute ekitaldiaren buruan ageri zen Bisiren irudian. Aurreskulariak ohorezko dantzak egin ostean, Ezker Abertzaleko ordezkariak lora sorta eman die Bisiren etxekoei, eta Etxerateko ordezkariak elkarteko zapia. Bertsolarien txanda etorri da gero: Bisi eta bizitza lotu dituzte, burrukan izandako ibilbide oparoa eta haren oroimenean. Gero Gabi Basañezek Bizi ezagutu, berarekin izandako pasarteak kontatu eta haren izaera maitagarria, genio bizia, lana, militantzia, borroka eta egoerarik txarrenean ere aurrera egiteko beti erakutsitako kemena gogoratu ditu. Emakume izaera ere izan du aipagai, eta Bisiren bizitza errepasatzean bidelagun izandako algortar asko ere. Amaitzeko, Gorrondatxe abesbatzak kanta bat eskaini dio eta Eusko Gudariak denon artean indarrez abestearen ondoko une bateko isilunean irrintziak eta Gora Bisi! zabaldu dira plaza ingurura.

Gora Bisi!
Gora gu eta gutarrak!

zabaldu | bildu

Lander Labajo (Algorta)

Lander Labajori kalera irteteko fidantza jarri diotela jakinarazi diote gaur goizean Aranjuezeko espetxean. Horretara, bihar goizean bere etxekoek fidantza ezarri eta arratsaldean kaleratuko dela espero da. Algortara iristen denean harrera egingo zaio.

Ongi etorri, Lander!
Preso guztiak kalera!

zabaldu | bildu